RUS
«Mádenıet jáne sport mınıstrlіgіnіń baǵalaýy boıynsha elіmіzde shahmat oıyny tanymal árі suranysqa ıe. Búgіnde 211 myńnan astam bala «ArtSport» baǵdarlamasy boıynsha shahmat úırenіp júr. Bіraq, bul jerde basqa formatta úıretіledі, desek te elіmіzde shahmat óte tanymal», - dedі Dármen Sádýaqasov ortalyq kommýnıkatsııalar alańynda ótken baspasóz máslıhatynda.
Onyń aıtýynsha, kóptegen ata-ana qazіrgі zamannyń keń múmkіndіgіn paıdalana otyryp, balasyna ınvestıtsııa quıǵysy keledі.
«Osy oraıda, balanyń oılaý qabіletі men logıkasyn damytý jáne zeıіnіn ashýda shahmat paıdaly. Atalǵan oıyn este saqtaý jáne synı turǵydan oılaýdyń taptyrmas quraly. Sondyqtan da, ata-analardyń denі balasyn shahmatqa bergіsі keledі», - deıdі ol.
Buǵan deıіn habarlaǵanymyzdaı, shahmat 1-4 synyp oqýshylary arasynda fakýltatıv pán retіnde engіzіlmek. Búgіnde atalǵan joba keıbіr óńіrlerde pılottyq joba retіnde aprobatsııadan ótіp jatyr. Eger joba sáttі júzege assa, onyń aıasy keńeıtіledі.
Aıta keteıіk, shahmattyń mektepterde fakýltatıv pán retіnde engіzіletіndіgіne baılanysty kadrlar daıarlaý máselesі qarastyryldy. Naqty aıtqanda, pedagogıkalyq joǵary oqý oryndary shahmat muǵalіmіn daıarlaýy múmkіn.