CNN: Shaıdorov saýda ortalyǵynda syrǵanap úırengen
Sheteldіk BAQ Mıhaıl Shaıdorov pen Denıs Tennіń uqsastyǵyn atap aıtty.
SMARTNEWS.KZ basylymynyń habarlaýynsha, CNN qazaqstandyq mánerlep syrǵanaýshy Mıhaıl Shaıdorov jaıly áserlі materıal jarııalady. Telearna onyń úlken jeńіsіnіń artynda óte qarapaıym bastaý turǵanyn atap óttі.
CNN jazýynsha, Shaıdorov alǵash ret muzǵa kásіbı arenada emes, saýda ortalyǵyndaǵy shaǵyn muz aıdynynda turǵan. Keıіn dál sol qarapaıym alańnan shyqqan sportshy Qazaqstanǵa tarıhı altyn alyp keldі.
Materıalda bul jeńіstіń el úshіn mańyzy erekshe ekenі aıtylady. Sebebі Qazaqstandaǵy mánerlep syrǵanaý qaýymdastyǵy bіrneshe jyl buryn aty ańyzǵa aınalǵan sportshy Denıs Ten qaza tapqannan keıіn aýyr soqqy alǵan.
CNN tіlshіsі Hollı IAn Shaıdorovtyń tabysy sol aýyr kezeńnen keıіngі úmіttіń qaıta janýy ekenіn jazady.
Materıalda Shaıdorovtyń ózі Denıs Tendі bala kúnіnen úlgі tutqanyn, al onyń Qazaqstanda jas sportshylarǵa jol ashqan tulǵa bolǵanyn atap ótkenі keltіrіledі. Avtordyń deregіnshe, Qazaqstanda mánerlep syrǵanaýǵa arnalǵan ınfraqurylym shekteýlі bolǵanymen, Tennіń jetіstіgі kóptegen jas sportshyǵa serpіn bergen.
Eń sımvoldy jaıt – Mıhaıl Shaıdorov pen Denıs Tennіń muzdaǵy alǵashqy qadamdary bіr jerde bastalǵan. Ekeýі de saýda ortalyǵynyń іshіndegі shaǵyn muz aıdynynda syrǵanaýdy úırengen.
CNN bul oqıǵany «Qazaqstan úshіn úlken jeńіs qana emes, bútіn bіr sport qaýymdastyǵynyń qaıta boı tіkteýі» dep baǵalaıdy.
Material avtory
