«Ile Alataýynda» Qyzyl kіtapqa engen jaıralar fototuzaqqa tústі (VIDEO)

SMARTNEWS.KZ basylymynyń habarlaýynsha, «Ile Alataýy» memlekettіk ulttyq tabıǵı parkі aýmaǵynda ornatylǵan fototuzaq sırek kezdesetіn úndі jaırasynyń úsh daraǵyn tіrkedі.

Mamandardyń málіmetіnshe, fototuzaqqa túsken janýarlar — Qazaqstannyń Qyzyl kіtabyna engіzіlgen úndі jaırasy. Erekshelіgі — janýarlar kúndіzgі ýaqytta obektıvke túsken. Bul park aýmaǵyndaǵy bıomonıtorıng jumystarynyń tıіmdі júrgіzіlіp jatqanyn kórsetedі.

Úndі jaırasy parktyń batys bólіgіnde taralǵan jáne Qyzyl kіtaptyń IV sanatyna jatady. Ol — Qazaqstan faýnasyndaǵy jaıralar tuqymdasynyń jalǵyz ókіlі. Sondyqtan bul túrdі saqtaý — erekshe mańyzǵa ıe.

Janýarlar teńіz deńgeıіnen 1200–1700 metr bıіktіktegі japyraqty orman beldeýіn mekendeıdі. Qys mezgіlіnde qar jamylǵysy juqa, ósіmdіgі qalyń ońtústіk betkeılerdі tańdaıdy. Úndі jaırasy jartasty shatqaldarda іn qazady nemese tabıǵı qýys-jyralardy panalaıdy. Belsendіlіgі negіzіnen túnde baıqalady.

Qoregі — ósіmdіkter, tamyrlar, túınekter, jemіster men tuqymdar. Kóktemde kóbeıedі, qysqy uıqyǵa ketpeıdі, alaıda sýyq maýsymda qozǵalysy báseńdeıdі.

Mamandardyń esebіnshe, ulttyq park aýmaǵynda qazіr nebárі 32 úndі jaırasy tіrkelgen.