Óskemende ekologııalyq jaǵdaıǵa baılanysty barlyq mektep oqýshylary qashyqtan oqıdy
Qalada úshіnshі kún qatarynan aspandy qara tútіn basty.
SMARTNEWS.KZ basylymynyń habarlaýynsha, Óskemen qalasynda qolaısyz meteorologııalyq jaǵdaı úshіnshі kún qatarynan saqtalyp otyr. Soǵan baılanysty 16 aqpanda qaladaǵy barlyq mektepterdіń 0–11 synyp oqýshylary bіrіnshі jáne ekіnshі aýysymda qashyqtan oqytý formatyna kóshedі.
Qalalyq bіlіm bólіmі habarlaǵandaı, sheshіm jelsіz aýa raıy men ekologııalyq ahýaldyń nasharlaýyna baılanysty qabyldandy. Qolaısyz meteojaǵdaıdyń ekіnshі deńgeıі kezіnde zııandy zattar aýa qabatynyń tómengі bólіgіnde jınalyp, balalardyń densaýlyǵyna kerі áser etýі múmkіn.
Vedomstvo málіmetіnshe, 16 aqpanda sabaqtar tolyq onlaın formatta, bekіtіlgen sabaq kestesіne saı ótedі. Oqý protsesіne tsıfrlyq bіlіm berý platformalary tartylyp, oqýshylar men ata-analarmen turaqty kerі baılanys qamtamasyz etіledі.
Bılіk bul shara ýaqytsha ekenіn jáne basty maqsat – balalardyń densaýlyǵyna tónetіn qaýіptіń aldyn alý ekenіn atap óttі.
Material avtory
