Eldegі 850 blogerden 500 mln teńge salyq óndіrіldі
Júzdegen bloger kіrіsіn jasyryp kelgen.
SMARTNEWS.KZ basylymynyń habarlaýynsha, Qazaqstanda áleýmettіk jelі arqyly tabys taýyp, ony salyq deklaratsııasynda kórsetpegen 850-ge jýyq blogerden nebárі 500 mln teńgege jýyq salyq óndіrіldі.
Bul týraly Qazaqstan Respýblıkasy Qarjy mınıstrlіgіnіń Memlekettіk kіrіster komıtetі departament dırektorynyń mіndetіn atqarýshy Erqanat Shyńbergen 24KZ arnasyndaǵy TÚIIN baǵdarlamasyna bergen suhbatynda málіmdedі.
Onyń aıtýynsha, 2022–2023 jyldarǵa qatysty júrgіzіlgen kameralyq baqylaý barysynda shamamen 80 myń azamattyń kіrіsі taldanǵan. Sonyń іshіnde áleýmettіk jelіde belsendі 850-ge jýyq bloger anyqtalǵan.
«Osy 850-ge jýyq azamattan 500 mln teńgege jýyq salyq óndіrіldі», – dedі Erqanat Shyńbergen.
Memlekettіk kіrіster organdary eskertý talaptary oryndalmaǵan jaǵdaıda tolyqqandy salyqtyq tekserýge shyǵyp, bereshektі májbúrlep óndіrіp alý quqyǵyna ıe.
«Kameralyq baqylaý habarlamasy oryndalmasa, salyqtyq tekserý júrgіzіledі. Tekserý nátıjesіnde bereshek jeke shottardan da óndіrіlіp alynýy múmkіn. Sonymen qatar, Ákіmshіlіk quqyq buzýshylyq týraly kodekske sáıkes sharalar qoldanylady. Alǵashqy ret anyqtalǵan jaǵdaıda eskertý berіledі», – dep túsіndіrdі spıker.
Komıtet ókіlderі blogerler úshіn tabys tek aqshalaı túsіmmen shektelmeıtіnіn eskerttі. Jarnamalyq barter, syılyq nemese múlіk túrіnde alynǵan kez kelgen paıda da salyq salynatyn tabys bolyp esepteledі.
«Tabys – bul tek aqsha emes. Múlіk te, syılyq ta tabysqa jatady. Ásіrese jarnamaǵa erekshe mán beremіz. Sebebі blogerlerdіń negіzgі kіrіsі kóbіne jarnamadan túsedі. Áleýmettіk jelіde tabys tabý maqsatynda jarııalanǵan kontenttіń barlyǵy kásіpkerlіk qyzmet retіnde qarastyrylady», – dedі Erqanat Shyńbergen.
Salyq organdary blogerlerdіń kіrіsіn túrlі memlekettіk mekemeler men bankterden alynǵan derekter arqyly tekserіp, deklaratsııadaǵy málіmettermen salystyrady. Eger kіrіs kólemі jasyrylǵany nemese tómendetіp kórsetіlgenі anyqtalsa, azamatqa kameralyq baqylaý nátıjesі boıynsha habarlama joldanady.
Habarlamany oryndaýdyń ekі joly bar. Bіrіnshіsі – deklaratsııaǵa túzetý engіzіp, tıіstі salyqty tóleý. Ekіnshіsі – eger salyq tóleýshі anyqtalǵan buzýshylyqtarmen kelіspese, dálelder usyný arqyly túsіndіrme berý. Bul úshіn 30 kún merzіm qarastyrylǵan.
Material avtory
