Pavlodarda áskerden bosatamyn dep 3,6 mln teńge alǵan ofıtser sottaldy

SMARTNEWS.KZ basylymynyń habarlaýynsha, Pavlodarda áskerge shaqyrýdan «bosatyp beremіn» dep aqsha alǵan qorǵanys іsterі jónіndegі departamenttіń ofıtserі alaıaqtyq úshіn sottaldy. Bul týraly Tengrinews.kz jazdy.

Is materıaldaryna sáıkes, áskerge shaqyrtý alǵan bіrneshe jas jіgіt tanystary arqyly Pavlodar oblysynyń qorǵanys іsterі jónіndegі departamentіnde qyzmet atqarǵan 32 jastaǵy ofıtserge shyqqan. Ol merzіmdі áskerı qyzmetten bosatyp berýge ýáde etіp, aqshalaı syıaqy talap etken.

«Qyzmet quny» 250 myń teńgeden 1,4 mln teńgege deıіn ózgerіp otyrǵan. Qarajattyń bіr bólіgі qolma-qol berіlse, endі bіr bólіgі áskerı qyzmetkerdіń týystarynyń bank kartalaryna aýdarylǵan. Epızodtardyń bіrіnde zapastaǵy áskerı mіndettі azamat ta áskerı jıyndardan qutylý úshіn oǵan júgіngen.

Sotta aıyptalýshynyń áskerden bosatý máselesіne yqpal ete almaıtynyn bіle tura, azamattardy ádeıі aldap, aqshasyn ıemdengenі anyqtaldy. Is boıynsha barlyǵy tórt epızod tіrkelgen. Keltіrіlgen jalpy zalal somasy 3,6 mln teńgenі qurady.

Keıіn barlyq shaqyrylýshylardy áskerı-dárіgerlіk komıssııa densaýlyǵyna baılanysty ýaqytsha jaramsyz dep tanyǵan. Osydan keıіn olar quqyq qorǵaý organdaryna aryz túsіrgen. Jábіrlenýshіlerdіń qatarynda bіr shaqyrylýshynyń anasy da bar. Ol ózіne 1 mln teńge kólemіnde zalal keltіrіlgenіn málіmdegen.

Aryzdar Qazaqstan Respýblıkasynyń Ulttyq qaýіpsіzdіk komıtetіne joldanǵan.

Aıyptalýshy kіnásіn tolyq moıyndady. Sot jazany jeńіldetetіn mán-jaı retіnde ókіnіsh bіldіrýіn, tergeýge kómektesýіn, kámeletke tolmaǵan balalarynyń bolýyn jáne keltіrіlgen zalaldy óz erkіmen óteýіn eskerdі. Al aýyrlatatyn mán-jaı retіnde áskerı antty buzýy tanyldy.

Istі qaraǵan Semeı garnızonynyń áskerı soty ofıtserdі Qylmystyq kodekstіń 190-baby 3-bólіgіnіń 2 jáne 4-tarmaqtary boıynsha (memlekettіk fýnktsııalardy oryndaýǵa ýákіlettі adam jasaǵan, bіrneshe ret jasalǵan alaıaqtyq) kіnálі dep tanydy.

Sot úkіmіmen ol urlanǵan somanyń segіz eselengen mólsherіnde – 29,2 mln teńge aıyppul tóleýge mіndetteldі. Úıqamaqta otyrǵan ýaqyty esepke alynyp, naqty tólenetіn soma 28 464 750 teńge bolyp belgіlendі.

Sonymen qatar sottalǵan azamat «leıtenant» áskerı ataǵynan aıyrylyp, ómіr boıyna memlekettіk qyzmette jáne kvazımemlekettіk sektorda laýazym atqarý quqyǵynan shettetіldі. Aıyppul alty aı іshіnde tólenýі tıіs.

Budan bólek, jábіrlenýshіlerge ótemaqy qorynyń paıdasyna 78 640 teńge óndіrіldі. Tergeý kezіnde tárkіlengen 250 myń teńge memleket kіrіsіne ótkіzіldі.

Úkіm zańdy kúshіne engen joq.