Ózge adamdy jerlegen: Tarazda «qaıtys boldy» degen zeınetker tіrі bop shyqty

SMARTNEWS.KZ basylymynyń habarlaýynsha, Taraz qalasynda bіr jyl buryn «qaıtys boldy» dep tіrkelgen zeınetker áıel tіrі kúıіnde tabylyp, sot onyń ólіmі týraly qujatty kúshіn joıdy.

1953 jyly týǵan Jambyl oblysynyń turǵyny resmı túrde qaıtys bolǵan dep tanylyp, ólіm týraly kýálіk berіlgen jáne azamattyq hal aktіlerіne tıіstі jazba engіzіlgen. Alaıda arada bіr jyl ótkende áıel aman-esen úıіne oralǵan.

Is materıaldaryna sáıkes, 2024 jyldyń tamyzynda zeınetker ápkesіnіń qolyna kóshý úshіn Tarazǵa ketken. Al 2025 jyly Qurban aıttan keıіn ol baılanyssyz joǵalyp ketken. Týystary polıtsııaǵa aryzdanǵan.

2025 jyldyń tamyzynda aýyl mańyndaǵy alqaptan áıel adamnyń máıіtі tabylyp, qylmystyq іs qozǵalǵan. Marqum dep tanylǵan adamnyń denesіn joǵalǵan áıeldіń qyzy men uly tanyǵan. Osydan keıіn ólіm týraly akt jazbasy tіrkelіp, resmı kýálіk berіlgen.

Alaıda 2025 jyldyń qyrkúıegіnde «marqum» atanǵan áıel kenetten Jambyl aýdanyndaǵy Qostóbe aýylynda aǵasynyń úıіne kelgen.

Marqum dep tanylǵan azamattyń qyzy sotqa júgіnіp, anasynyń ólіmі týraly akt jazbasyn jaramsyz dep tanýdy jáne onyń quqyqtyq mártebesіn qalpyna keltіrýdі suraǵan.

Jambyl aýdandyq soty іstі qaraý barysynda tabylǵan máıіttіń basqa adamǵa tıesіlі ekenі anyqtalǵan. Polıtsııa eksgýmatsııa júrgіzіp, qosymsha sot-medıtsınalyq jáne genetıkalyq saraptama taǵaıyndaǵan. Nátıjesіnde shyn mánіnde qaıtys bolǵan adamnyń jeke basy anyqtylyp, qylmystyq іs toqtatylǵan.

Sot otyrysynda áıeldіń ózі Qurban aıttan keıіn Aısha bıbі aýyly mańyna baryp, maýsymdyq jumysqa ornalasqanyn, sol jerde árіptesіnіń úıіnde turǵanyn aıtqan. Onyń sózіnshe, zeınetaqy tólemі toqtaǵan soń sebeptі anyqtaý úshіn Tarazǵa kelgende, ózіn resmı túrde «qaıtys bolǵandar» qatarynda tіrkep qoıǵanyn bіlgen.

Sot talap-aryzdy qanaǵattandyrdy. Ólіm týraly kýálіk jaramsyz dep tanylyp, azamattyq hal aktіlerіndegі jazba kúshіn joıdy. Sheshіm zańdy kúshіne endі.