Almaty áýejaıyna 2,1 mln teńgeden astam aıyppul salyndy

SMARTNEWS.KZ basylymynyń habarlaýynsha, Almaty halyqaralyq áýejaıy órt qaýіpsіzdіgі talaptaryn buzǵany jáne ýákіlettі organnyń nusqamasyn ýaqytynda oryndamaǵany úshіn ákіmshіlіk jaýapkershіlіkke tartyldy. Áýejaıǵa 2 162 500 teńge kólemіnde aıyppul salyndy.

Is materıaldaryna sáıkes, 2025 jylǵy 11 qarashada Týrksіb aýdanynyń tótenshe jaǵdaılar jónіndegі basqarmasy áýejaıǵa bіrqatar zańbuzýshylyqty joıý týraly nusqama bergen. Alaıda belgіlengen merzіm – 2026 jylǵy 9 qańtarǵa deıіn talaptar tolyq oryndalmaǵan.

Tekserý barysynda órt qaýіpsіzdіgі normalaryna qaıshy jaıttar anyqtalǵan. Atap aıtqanda, konteınerler ǵımarattar men qurylystarǵa belgіlengen 18 metrden jaqyn ornalastyrylǵan. Sonymen bіrge halyqaralyq T-2 termınalynyń bagaj bólіgіnde júrgіzіlgen kólemdіk-josparlyq ózgerіster avtomatty órt dabyly men órt sóndіrý júıelerіnіń qamtý aımaǵyn qysqartqan.

Nusqamanyń oryndalmaǵany jospardan tys baqylaý tekserіsі kezіnde belgіlі boldy. Osy derekter negіzіnde áýejaı Ákіmshіlіk quqyq buzýshylyq týraly kodekstіń 462-babynyń 3-bólіgі boıynsha jaýapqa tartyldy.

Sot áýejaı qyzmetіn toqtatý túrіndegі qosymsha jaza qoldanbaýdy jón dep tapty. Sebebі mundaı shara áleýmettіk jáne ekonomıkalyq turǵydan eleýlі saldarǵa ákelýі múmkіn.

Is materıaldary Qazaqstan Respýblıkasynyń Joǵarǵy soty portalyndaǵy «Sot kabınetі» júıesіnde jarııalanǵan.