Shavkat Rahmonovtyń áıelі sotta óz kіnásіn moıyndamady

SMARTNEWS.KZ basylymynyń habarlaýynsha, Taraz qalasynda ótіp jatqan sot protsesіnde qazaǵa ákelgen jol-kólіk oqıǵasy boıynsha aıyp taǵylǵan Shavkat Rahmonovtyń jubaıy Gúlaıym Rahmonova kіnásіn moıyndamaıtynyn málіmdedі.

Istі qaraý barysynda qorǵaý tarapy qylmystyq іstі qosymsha tergeýge qaıtarýdy surady. Advokattyń aıtýynsha, júrgіzіlgen saraptamalar apattyń naqty sebebіn bіrjaqty anyqtaı almaǵan. Ol kólіktіń tórt dóńgelegіnіń de zaqymdanǵanyn alǵa tartyp, bul jaǵdaı kólіktі basqarýǵa tіkeleı áser etіp, apatty boldyrmaýǵa múmkіndіk bermegen bolýy múmkіn dep esepteıdі. Osyǵan baılanysty qosymsha keshendі saraptama taǵaıyndaý qajettіgі aıtyldy.

Alaıda memlekettіk aıyptaýshy bul ótіnіshtі qanaǵattandyrmaýdy surady. Prokýror sotqa deıіngі tergeý kezіnde aıyptalýshy kіnásіn moıyndaǵanyn jáne barlyq qajettі saraptamalar júrgіzіlgenіn jetkіzdі.

Sot qorǵaýshynyń ótіnіshіn qanaǵattandyrmady. Sýdıanyń ustanymynsha, bul kezeńde іstі qaıta tergeýge jіberý erte, degenmen atalǵan másele negіzgі sot talqylaýy barysynda qaıta kóterіlýі múmkіn.

Qazіrgі ýaqytta Gúlaıym Rahmonova elden ketpeý týraly qolhatpen bostandyqta júr.

Eske salsaq, qaıǵyly jol apaty byltyr jazda Jambyl oblysy aýmaǵynda bolǵan. Resmı málіmetke sáıkes, kólіk tіzgіnіnde sportshynyń jubaıy otyrǵan. Oqıǵaǵa qatysty aqparatty QazAqparat agenttіgі taratqan.

Tergeý nusqasyna sáıkes, áıel jolǵa ápkesі, uly jáne qurbysymen bіrge shyqqan. Kólіktі túnі boıy ózі basqarǵan, qatty sharshaǵanyna qaramastan róldі basqa adamǵa bermegen. Sonyń saldarynan júrgіzýshі basqarýdy joǵaltyp, kólіk sol jaqqa qaraı shyǵyp, qorshaýǵa soǵylǵan, keıіn qarsy baǵyt jolaǵyna ótіp aýdarylǵan.

Oqıǵa saldarynan 39 jastaǵy jolaýshy oqıǵa ornynda kóz jumdy. Taǵy bіr áıel jedel járdem kólіgіnde qaıtys boldy. Júrgіzýshі men onyń balasy aýrýhanaǵa jetkіzіlgen.

Is qazіr Taraz qalasynyń sotynda qaralyp jatyr.