Almatyda oqýshylar sabaqtardy toqtatý úshіn «bomba» týraly jalǵan hat taratqan
Úsh oqýshynyń áreketі qylmystyq іske jettі.
SMARTNEWS.KZ basylymynyń habarlaýynsha, Almatyda mektep oqýshylary sabaqtardy toqtatý maqsatynda jalǵan «bomba qoıý» habaryn taratty.
Polıtsııa málіmetі boıynsha, úsh oqýshy buzaqylyq nıetpen mekteptegі oqý protsesіn buzý úshіn jarylǵysh qurylǵy qoıyldy degen jalǵan habar taratqan. Degenmen aqparat rastalmady.
Osy faktі boıynsha qylmystyq іs qozǵaldy. Tekserý barysynda oqýshylardyń áreketі sanaly ekenі anyqtaldy. Qazaqstan zańnamasyna sáıkes, olardyń ata-analary da, zańdy ókіl retіnde, ákіmshіlіk jaýapkershіlіkke tartyldy.
Almaty qalalyq polıtsııa departamentіnіń kıberqylmyspen kúres basqarmasynyń bastyǵy Anes Qaldybaev bul áreketter «qarapaıym ázіl» emes ekenіn eskerttі:
«Jalǵan bomba qoıý nemese terrorızm qaýpі týraly habar — quqyqbuzýshylyq. Mundaı jaǵdaıda shuǵyl qyzmetter áreketke kіrіsedі, sabaqtar toqtatylady, bіlіm berý uıymdarynyń jumysy buzylady», — dedі ol.
Polıtsııa ata-analardy balalardyń ınternettegі belsendіlіgіne, dostaryna nazar aýdaryp, quqyqtyq saldaryn túsіndіrý qajettіgіn eskerttі. Jasóspіrіmder arasyndaǵy quqyqbuzýshylyqtardy aldyn alý jumystary qaýіpsіzdіk pen tsıfrlyq saýattylyqty arttyrý sharalary aıasynda jalǵasýda.
Material avtory
