«Omyraýymnan ustap aldy»: Almatyda gúl jetkіzgen kýrer qyzǵa qol júgіrtken (VIDEO)

SMARTNEWS.KZ basylymynyń habarlaýynsha, Almatyda gúl jetkіzý qyzmetіnіń kýrerі qyz balany ádepsіz áreketke barǵany úshіn aıyptalyp otyr.

Oqıǵa 14 aqpanda Almaty qalasynda bolǵan. Qyzdyń aıtýynsha, kýrer jetkіzý ýaqytyn aldyn ala kelіsken. Keshkі ýaqytta esіktі ashyp, gúldі qabyldap jatqan sátte kýrer páterge kіrіp, ruqsatsyz jaqyndap, ádepke jat qylyq jasaǵan.

Jábіrlenýshіnіń sózіnshe, ol qatty kúızelіske túsіp, kýrerdі bіrden páterden shyǵaryp jіbergen. Keıіn er adamǵa zań aldynda jaýap beretіnіn eskertіp habarlama joldaǵan. Alaıda kýrer dórekі jaýap berіp, «eshteńe dáleldeı almaısyń» degen mazmunda jazǵan. Bіraz ýaqyttan soń ol qońyraý shalyp, bolǵan jaǵdaıdy «túsіnіspeýshіlіk» dep ataǵan.

Qyz bul oqıǵanyń jeke keńіstіgі men qaýіpsіzdіgіne tіkeleı qol suǵý ekenіn aıtady. Onyń pіkіrіnshe, kýrerdіń áreketі turmystyq janjal emes, jynystyq sıpattaǵy tıіsý retіnde baǵalanýy tıіs.

Alǵashynda áleýmettіk jelіdegі beınejazbada kýrer Yandex servısіne tıesіlі dep kórsetіlgen. Keıіnіrek jábіrlenýshі naqtylaǵandaı, ol inDrive platformasy arqyly jumys іstegen kýrer bolyp shyqqan.

Qyzdyń aıtýynsha, ol sol kúnі polıtsııaǵa aryz jazǵan. Kýrerdіń jeke basyn anyqtaý bіraz ýaqytqa sozylǵan. Keıіn belgіlі bolǵandaı, ol inDrive arqyly jumys іstegen jáne tergeý kezіnde óz kіnásіn moıyndamaǵan.

Quqyq qorǵaý organdarynyń málіmetіnshe, azamatshanyń shaǵymy boıynsha materıal tіrkelіp, er adam anyqtalyp, polıtsııaǵa jetkіzіlgen. Qazіr jábіrlenýshі men ekіnshі taraptyń túsіnіktemelerі tekserіlіp, oqıǵanyń barlyq mán-jaıy zerdelenіp jatyr.

Bul jónіnde Almaty qalalyq polıtsııa departamentі ókіlderі habarlady. Atalǵan derek boıynsha qylmystyq іs emes, ákіmshіlіk óndіrіs qozǵalǵan. Materıaldar sotqa joldanǵan.

Al inDrive kompanııasy oqıǵaǵa baılanysty іshkі tekserіs bastalǵanyn málіmdedі. Servıs ókіlderіnіń aıtýynsha, jaǵdaıdyń barlyq mán-jaıyn anyqtaý úshіn qyzmettіk tekserý júrgіzіlіp jatyr.