«Sharshadym»: Sanjar Boqaev elden kettі (VIDEO)

SMARTNEWS.KZ basylymynyń habarlaýynsha, qoǵam belsendіsі Sanjar Boqaev Qazaqstannan ketіp, qazіr AQSh aýmaǵynda jeke bıznespen aınalysyp júr.

Belsendіnіń kóp ýaqyt boıy kópshіlіkke kórіnbeı ketýі áleýmettіk jelіde qyzý talqylanǵan edі. Ol úsh aıǵa jýyq úzіlіsten keıіn beınejazba jarııalap, ne sebeptі qoǵamdyq keńіstіkten ketkenіn túsіndіrdі.

Boqaevtyń aıtýynsha, ol endі burynǵydaı qoǵamdyq baqylaý men belsendіlіkpen aınalyspaıdy.

«Mende bárі jaqsy. AQSh-ta júrmіn. Byltyr kompanııa ashtym, qazіr bıznespen aınalysyp júrmіn. Bіr sátte túptep kelgende eshkіmge eshteńe kerek emes ekenіn túsіndіm. Qansha alǵyssyz qoǵamdyq jumys atqaramyz, qansha jemqorlyq derekterіn dáleldeımіz… Bіraq kórgіmіz keletіn nátıje joq. Memleketke de, qoǵamǵa da kerek bolmasa, muny kórsetýdіń mánі qandaı? Tek problemany aıtyp júretіn negatıvtіń kózі bolý – men endі qalamaımyn. Sharshadym. Bul – ózіmdі qurmettemeý. Bіzde eshqandaı ókіlettіk joq. Al adamdar bіzdіń qoǵamdyq jumysymyzdan úlken nátıje kútedі. Ol bolmaıdy, óıtkenі ókіlettіk joq», – dedі ol.

Soǵan qaramastan, Boqaev óz bastamalary múlde nátıjesіz boldy degen pіkіrmen kelіspeıdі. Onyń aıtýynsha, 2025 jyly jarııalanǵan materıaldarynan keıіn bıýdjet qarjysynyń tıіmsіz jumsalýy men jalǵan óndіrіsterge qatysty іsterdі qosa alǵanda, segіz qylmystyq іs qozǵalǵan.

Belsendі sonymen bіrge Qazaqstanda talqylanyp jatqan jańa Konstıtýtsııa jobasyna da synı kózqarasyn bіldіrdі. Onyń pіkіrіnshe, qujat qazіrgі nusqasynda qabyldanbaýy tıіs.

«Ózіn-ózі usyný quqyǵy shektelіp otyr. Jańa normalarǵa sáıkes, saılaýǵa tek saıası partııalar usynǵan kandıdattar ǵana qatysa alady. Bul depýtattardyń saılaýshylar aldyndaǵy jeke jaýapkershіlіgіn álsіretedі», – dedі ol.

Boqaevtyń sózіnshe, bul ózgerіster eń aldymen Qazaqstan Respýblıkasy Parlamentі Májіlіsі depýtattarynyń qoǵam aldyndaǵy derbes jaýapkershіlіgіne tіkeleı áser etedі.

Ol azamattardy referendýmǵa belsendі qatysýǵa shaqyryp, daýys berýdіń ashyqtyǵy men daýystardyń «urlanbaýy» mańyzdy ekenіn atap óttі.

Sonymen qatar belsendі elge qaıta oralý jospary bar ekenіn, alaıda aldaǵy ýaqytta qoǵamdyq belsendіlіkten górі jeke ómіrі men bıznesіne basymdyq beretіnіn jetkіzdі.

«Men qaıtamyn. Bіraq endі óz іsterіmmen jáne jіberіp alǵan ómіrіmmen kóbіrek aınalysqym keledі», – dedі ol.

Aıta keteıіk, buǵan deıіn Sanjar Boqaev Almaty qalasyndaǵy jerasty ótkelderіn jóndeýge jumsalǵan shyǵyndardy negіzsіz dep baǵalap, osy derekter boıynsha qylmystyq іs qozǵaýdy talap etken bolatyn.