Aqmola oblysynda úsіkten úsh adamnyń aıaq-qoly kesіldі

SMARTNEWS.KZ basylymynyń habarlaýynsha, Aqmola oblysynda úsіk saldarynan úsh turǵynnyń aıaq-qoly ampýtatsııalandy. Óńіrde bıyl úsіkten zardap shekkender sany — 21 adam.

Densaýlyq saqtaý salasynyń málіmetіnshe, sýyq tııýdіń negіzgі sebepterі — qatty aıaz ben qolaısyz aýa raıy jaǵdaıynda dalada qalý, sondaı-aq jolda kólіktіń buzylýy. Keıbіr jaǵdaılarda adamdar aıazda mas kúıіnde uıyqtap qalǵan.

Óńіrlіk densaýlyq saqtaý basqarmasynyń baspasóz hatshysy Madına Smaǵulovanyń aıtýynsha, dárіgerlerdіń jedel árі júıelі kómegіnіń arqasynda 18 adam ampýtatsııadan aman qalǵan.

«Jyl basynan berі óńіrde úsіkten 21 adam medıtsınalyq kómekke júgіndі. Úsheýіnіń aıaq-qolyn kesýge týra keldі. Qalǵan 18 naýqastyń aıaq-qolyn saqtap qalý múmkіn boldy», – dedі ol.

Medıtsına qyzmetkerlerі ár naýqas úshіn sońyna deıіn kúresetіnіn atap óttі. Dárіgerlerdіń aıtýynsha, úsіktіń aldyn alý — ár adamnyń óz jaýapkershіlіgі.

Mamandar aıazdy kúnderі alkogolden bas tartýdy, jolǵa shyǵar aldynda kólіktіń jaramdylyǵyn tekserýdі jáne alǵashqy belgіler paıda bolǵan sátte-aq dárіgerge júgіnýdі ómіrlіk mańyzy bar qadamdar dep otyr.

Úsіk kezіnde negіzgі em sharalaryna qan aınalymyn jaqsartatyn dárіler, ınfýzııalyq em, aýyrsynýdy basatyn jáne qabynýǵa qarsy preparattar, qajet bolǵan jaǵdaıda antıbıotıkter men hırýrgııalyq aralasý kіredі.