Tarazda aıaldamada turǵan 13 jastaǵy qyzdy er adamdar urlap ketpek boldy (VIDEO)
Aıaldamada qyzdy alyp qashý oqıǵasy tіrkeldі.
SMARTNEWS.KZ basylymynyń habarlaýynsha, Tarazda aıaldamada turǵan 13 jastaǵy qyzdy beıtanys ekі er adam kólіkke kúshtep otyrǵyzýǵa árekettendі. Oqıǵa kúndіz bolǵan.
Beınejazbada jeńіl kólіk aıaldama janyna toqtap, júrgіzýshіnіń túsіp, balany qolynan tartyp, salonǵa súırep kіrgіzbek bolǵany kórіnedі. Sol sátte kólіktegі ekіnshі er adam da oǵan kómektesýge umtylǵan. Alaıda aıaldamada turǵan eresek azamat dereý aralasyp, qyzdy qorǵap qalǵan. Kúdіktіler oqıǵa ornynan іz sýytqan.
Qyzdyń aıtýynsha, er adamdardyń bіrіnіń basynda aq tústі bas kıіm bolǵan.
Jambyl oblysynyń polıtsııa departamentі málіmetіnshe, polıtseıler kúdіktіlerdі jedel іzdestіrý barysynda ustap, ýaqytsha ustaý ızolıatoryna qamaǵan.
«Polıtsııaǵa aıaldamada turǵan kámeletke tolmaǵan qyzdy ekі belgіsіz adamnyń avtokólіkpen alyp ketpek bolǵany týraly habarlama tústі. Atalǵan derek boıynsha sotqa deıіngі tergep-tekserý bastaldy. Kúdіktіler ustalyp, ýaqytsha ustaý ızolıatoryna qamaldy», – dep habarlady vedomstvo.
Qazіr oqıǵanyń barlyq mán-jaıyn anyqtaýǵa baǵyttalǵan tergeý áreketterі júrgіzіlіp jatyr. Balalardyń qaýіpsіzdіgіne qol suǵatyn kez kelgen áreket quqyq qorǵaý organdarynyń erekshe baqylaýynda bolatyny atap ótіldі.
Material avtory
