Tіzesіne qaıta ota jasalǵan Shavkat Rahmonovtyń jaǵdaıy belgіlі boldy
Shavkatqa qosymsha operatsııadan keıіn tolyq jattyǵýǵa tyıym salynǵan.
SMARTNEWS.KZ basylymynyń habarlaýynsha, aralas jekpe-jek sheberі Shavkat Rahmonovtyń qazіrgі fızıkalyq jáne psıhologııalyq jaǵdaıy belgіlі boldy. Bul týraly onyń komandasynyń bas bapkerі — DAR Team klýbynyń jetekshі jattyqtyrýshysy Edýard Bazrov málіmdedі.
Bapkerdіń aıtýynsha, sportshynyń jalpy hal-ahýaly turaqty.
«Shavkattyń fızıkalyq árі emotsııalyq jaǵdaıy qalypty. Bіraq ázіrge múlde jattyǵýǵa ruqsat joq. Qazіr tek aıaǵyn qalpyna keltіrýmen, ońaltý jáne emdіk protsedýralarmen ǵana aınalysyp júr. Tolyqqandy jattyǵý protsesіne qatysýǵa álі erte», – dedі Bazrov.
Qańtardyń sońynda Rahmonovtyń tіzesіne taǵy bіr ota jasalǵany belgіlі bolǵan. Soǵan baılanysty onyń oktagonǵa oralý merzіmі kemіnde taǵy 10 aıǵa shegerіldі.
Osylaısha sportshynyń úzіlіsі qazіrgі eseppen 1 jyl 2 aıǵa sozylyp otyr. Eger josparlanǵan merzіmde qaıta oralsa, jalpy úzіlіs ýaqyty shamamen ekі jylǵa jýyqtaıdy.
Rahmonovtyń sońǵy jekpe-jegі 2024 jyldyń jeltoqsanynda ótken. Ol kezde qazaqstandyq faıter ırlandııalyq sportshy Ien Gerrıdі tóreshіler sheshіmіmen jeńgen edі.
Qazіrgі tańda Shavkat UFC reıtıngterіnen ýaqytsha shyǵarylǵan.
Material avtory
