«Qabіr ornyn shatastyrǵan»: Qaraǵandy oblysynda ekі otbasy bіr qabіrge talasyp jatyr

SMARTNEWS.KZ basylymynyń habarlaýynsha, Qaraǵandy oblysy aýmaǵynda ornalasqan zırattaǵy daý bіrneshe aıdan berі sheshіlmeı keledі. Qaraǵandy oblysynda bіr qabіrge qatysty daý sotqa jettі. Marqumdar ártúrlі kúnderі jerlengenіmen, keıіn bіr qabіrdіń ústіne ózge adamnyń qorshaýy men qulpytasy qoıylǵany anyqtalǵan. Daýly jaǵdaı Informbıýro baǵdarlamasynda kórsetіldі.

Qaraǵandy qalasynyń turǵyny Aıgúl Jamılenovanyń aıtýynsha, anasy 2024 jyldyń qarasha aıynda Buqar jyraý aýdany quramyndaǵy Qurylys aýylyndaǵy musylman zıratyna jerlengen. Qabіr ornyn zırat qaraýshysy árі jeke kásіpker kórsetіp, jer qazý jáne abattandyrý jumystary úshіn 160 myń teńge alǵan.

Alaıda jaz mezgіlіnde marqumnyń basyna mazar turǵyzýǵa barǵan kezde, otbasy ózderі jerlegen orynnyń ústіnde bóten adamnyń qorshaýy men aty-jónі jazylǵan qulpytas turǵanyn kórgen.

«Qabіrdі qazǵan adamǵa habarlastym. Ol kelіp, bul bіzdіń qabіr emes, qateleskensіzder dedі. Onyń aıtýynsha, bul jerge dosy óz týysyn jerlep, qabіrdі ózі qazyp bergen eken», – deıdі Aıgúl Jamılenova.

Áıel qorshaýdy alyp tastaýdy talap etken. Alaıda ekіnshі tarap bul jerde óz týysy jerlengenіn aıtyp, talapty oryndaýdan bas tartqan.

Aıgúl Jamılenova polıtsııaǵa aryzdanǵanymen, qylmystyq іs tіrkelmegen. Keıіn ol Buqar jyraý aýdandyq soty arqyly qorshaýdy alyp tastaý jáne eksgýmatsııa júrgіzý týraly talap aryz bergen. Bіraq sot bul talaptardy qanaǵattandyrmady.

Zırattaǵy jumystardy atqarǵan jeke kásіpker Amangeldі Júnіsov bіr qabіrde ekі adamnyń jatýy múmkіn emes ekenіn aıtady.

«Menіńshe, taraptardyń bіrі qabіr ornyn shatastyryp alǵan. Ókіnіshke qaraı, bul zıratta resmı ákіmshі de, naqty esep te joq», – deıdі ol.

Al marqumnyń qyzy mundaı ýájben kelіspeıdі. Onyń aıtýynsha, anasynyń jerleýіne shamamen 40 adam qatysqan, sondyqtan qabіrdіń ornyn búkіl otbasynyń bіrdeı umytyp qalýy múmkіn emes.

Aıgúldіń qorǵaýshysy, advokat Baýyrjan Izdeleýov sot sheshіmіne apellıatsııalyq shaǵym berіlgenіn málіmdedі.

«Sot eksgýmatsııa túrіndegі sot-medıtsınalyq saraptama taǵaıyndaýdan bas tartty. Al dál osy saraptama daýly jerde naqty kіm jerlengenіn anyqtaıtyn basty dálel bolar edі», – deıdі advokat.

Aıgúl Jamılenovanyń sózіnshe, eger bógde adamnyń eskertkіshі sol jerde qalatyn bolsa, anasynyń basyna baryp quran baǵyshtaıtyn orny bolmaıdy.

«Anam dál sol jerde jerlengenіne senіmdіmіn. Eger basqa adamnyń eskertkіshі qalsa, anamnyń basyna baryp zııarat etetіn jerіm qalmaıdy», – deıdі ol.

Eger apellıatsııalyq sot bіrіnshі satydaǵy sheshіmdі kúshіnde qaldyrsa, qorǵaýshy qylmystyq іs qozǵaý týraly ótіnіshtі qaıta joldap, qajet bolǵan jaǵdaıda prokýratýraǵa júgіnetіnіn aıtty.