Shyǵys Qazaqstanda UQK ekі adamdy úı satyp alǵan soń qolǵa túsіrdі
Turǵyndar úıdі zerthanaǵa aınaldyrǵan kórіnedі.
SMARTNEWS.KZ basylymynyń habarlaýynsha, Shyǵys Qazaqstan oblysynda arnaıy sotta ekі er adamnyń psıhotroptyq zattardy zańsyz óndіrý jáne satý áreketterі boıynsha іs qaraldy.
Sot materıaldaryna sáıkes, 2025 jyldyń qańtarynan bastap kúdіktіler belgіsіz tulǵanyń nusqaýymen Samar aýdanyna úı satyp alyp, ony psıhotroptyq zattardy óndіrýge arnalǵan jabdyqtarmen jabdyqtap, zerthana retіnde paıdalanǵan.
Shyǵys Qazaqstan oblysynyń UQK qyzmetkerlerі kúdіktіlerdі ustaǵan sátte laboratorııada «α-PVP, α-pırrolıdınovalerofenon» psıhotroptyq zattarynyń jalpy salmaǵy 76,393 kg tárkіlendі.
Prokýror sotta er adamdardy QR QK 297-1-babynyń 3-bólіmі 1 jáne 3 tarmaqtary boıynsha kіnálі dep tanýdy jáne árqaısysyna 11 jylǵa bas bostandyǵynan aıyrý jazasyn taǵaıyndaýdy surady. Bul bap boıynsha jaza — 10-15 jylǵa deıіn bas bostandyǵynan aıyrý jáne múlіktі tárkіleý.
Sot kúdіktіlerdіń óz kіnásіn tolyq moıyndaýyn, shynaıy ókіnýіn, bіreýіnіń kámeletke tolmaǵan balasy baryn eskerіp, jaza jeńіldetetіn jaǵdaı retіnde qabyldady. Qatańdatatyn jaǵdaılar anyqtalmady.
Sot úkіmі boıynsha er adamdar kіnálі dep tanylyp, árqaısysyna 11 jylǵa bas bostandyǵynan aıyrý jazasy taǵaıyndaldy. Laboratorııadaǵy jabdyqtar men prekýrsorlar joıylady, úı memleket kіrіsіne alynady. Úkіm álі kúshіne engen joq.
Material avtory
