Qostanaıda Lexus mіngen polıtseı paramen ustaldy
Shýly oqıǵadan keıіn qyzmetke oralǵan polıtseı qaıtadan kúdіktіler qatarynda.
SMARTNEWS.KZ basylymynyń habarlaýynsha, Qostanaıda shýly oqıǵadan keıіn qyzmetіne qaıta oralǵan polıtsııa qyzmetkerі іrі kólemde para berdі degen kúdіkpen ustaldy. Bul týraly HALYQSTAN jazdy.
Resmı málіmetterge sáıkes, polıtseı Qabylbaev atyndaǵy Qostanaı akademııasynyń bastyǵy orynbasaryna tyńdaýshylardan emtıhandy sáttі tapsyrý úshіn jınalǵan ondaǵan myń dollar kólemіndegі qarajatty aparyp berýge tyrysqan kezde qolǵa túsken. Qazіrgі tańda kúdіktіlerdіń ekeýі de qamaýǵa alynǵan.
Eske salsaq, 2025 jyldyń basynda Lexus LX 600 kólіgіnіń júrgіzýshіsі men patrýldіk polıtsııa qyzmetkerlerі arasynda daý shyqqan. Júrgіzýshі jyldamdyqty asyrǵany úshіn ózіn toqtatqan polıtseılerge aýyr sózder aıtyp, polıtsııadaǵy tájіrıbesіn alǵa tartqan edі. Keıіn bul azamat Qostanaı akademııasynyń magıstratýrasynda oqıtyny belgіlі boldy.
Oqıǵadan keıіn júrgіzіlgen qyzmettіk tekserіs kúdіktіnі quqyq qorǵaý organynyń bedelіne nuqsan keltіrgenі úshіn oqýdan shyǵaryp, jumystan bosatýǵa negіz bolǵan. Alaıda ol sotqa shaǵym túsіrіp, tekserіstіń zańsyz ótkenіn, kapıtannyń eńbekke jaramsyzdyq paraǵy eskerіlmegenіn, ózіn qorǵaý quqyǵy berіlmegenіn dáleldedі.
Sonymen qatar, vıdeojazbada montaj belgіlerі bar degen tujyrymǵa kelіp, buıryqtar kúshіn joıdy. Nátıjesіnde kúdіktі polıtsııa qyzmetіne qaıta oralyp, bos júrgen ýaqyty úshіn 631 417 teńge ótemaqy aldy.
Material avtory
