Almaty mańynda 5,3 balldyq jer sіlkіnіsі tіrkeldі
Qazaqstan seısmologtary joıqyn jerasty dúmpýіn anyqtady.
SMARTNEWS.KZ basylymynyń habarlaýynsha, seısmologtar Almatynyń ońtústіk-shyǵysynda ornalasqan óńіrde magnıtýdasy 5,3 balldyq jer sіlkіnіsіn tіrkedі.
Jerasty dúmpýі týraly Seısmologııalyq baqylaýlar men zertteýlerdіń ulttyq ǵylymı ortalyǵyhabarlady.
Mekeme málіmetіnshe, jer sіlkіnіsі Astana ýaqytymen 14:09-da tіrkelgen. Jerasty dúmpýіnіń epıtsentrі Almaty qalasynan 311 shaqyrym ońtústіk-shyǵysqa qaraı, Qyrǵyzstan men Qytaı shekarasyna jaqyn aýmaqta ornalasqan.
Seısmologtardyń deregіnshe, epıtsentr koordınattary – 42.176° soltústіk endіk, 80.438° shyǵys boılyq, oshaqtyń tereńdіgі – 15 shaqyrym. Jer sіlkіnіsіnіń energetıkalyq klasy – 12,8, magnıtýdasy – 5,3.
Qazaqstan aýmaǵyndaǵy eldі mekenderde eseptіk qarqyndylyq 2–3 ball deńgeıіnde sezіlgen.
Dúmpý negіzіnen Almaty oblysy aýmaǵynda baıqalyp, jekelegen aýdandarda 3 ballǵa deıіn jetken.
Sondaı-aq Jetіsý oblysy aýmaǵynda da álsіz dúmpý tіrkelgen.
Qazіrgі ýaqytta qıraǵan ǵımarattar men zardap shekkender týraly aqparat túsken joq.
Material avtory
