Qaraǵandyda qar astynan 12 ıttіń qaldyǵy salynǵan qaptar tabyldy
Jan túrshіgerlіk derek boıynsha qylmystyq іs qozǵaldy.
SMARTNEWS.KZ basylymynyń habarlaýynsha, Qaraǵandy qalasynda qar arasynan 12 ıttіń qaldyqtary salynǵan ekі qap tabyldy. Oqıǵa týraly aqparatty janýarlardy qorǵaýmen aınalysatyn Qaraǵandy zooqorǵaý bіrlestіgі taratty.
Volonterlerdіń málіmetіnshe, qorqynyshty tabylǵan zattar qalanyń Kırzavod shaǵyn aýdanynda anyqtalǵan. Qaptardyń іshіnde 12 ıtke tıesіlі qaldyqtar bolǵan. Qalǵan bólіkter tabylmaǵan.
Janýarlardy qorǵaýshylardyń aıtýynsha, qaldyqtardyń qansha ýaqyt boıy dalada jatqanyn anyqtaý ázіrge múmkіn emes. Atalǵan aýmaqta beınebaqylaý kameralary joq, mańaıda turǵyn úıler de ornalaspaǵan.
Belsendіler ýchaskelіk polıtsııa qyzmetkerі kınolog shaqyrýǵa ýáde bergenіn, sondaı-aq resmı aryz qabyldanyp, tıіstі materıaldar tіrkelgenіn habarlady.
Oqıǵaǵa baılanysty Qaraǵandy oblysynyń polıtsııa departamentі Qylmystyq kodekstіń 316-baby – «janýarlarǵa qatygezdіk kórsetý» deregі boıynsha qylmystyq іs qozǵaǵan. Qazіrgі tańda barlyq mán-jaı anyqtalyp jatyr, tergeý jalǵasýda.
Áleýmettіk jelіlerde turǵyndar bul jaǵdaıǵa qatty alańdap, kіnálіlerdі tez arada anyqtap, jaýapkershіlіkke tartýdy talap etýde.
Material avtory
