Shyńǵys Muqan Binom mektebі baspanyń kіtaptaryn kóshіrіp, WhatsApp-ta taratqanyn aıtty
Baspager kіtap shyǵarý іsіnіń qıyndyǵyn eske salyp, kіtaptardyń zańsyz kóshіrіlýіne qarsy shyqty.
SMARTNEWS.KZ basylymynyń habarlaýynsha, Shyńǵys Muqan Facebook paraqshasynda mekteptіń kіtaptardy elektrondyq nusqaǵa aınaldyryp, oqýshylardyń WhatsApp toptaryna taratatynyn jazdy.
Ol muny ıntellektýaldyq menshіk quqyqtarynyń buzylýy dep baǵalap, jas baspalardyń jaǵdaıy qıyn ekenіn atap óttі:
«Mazmundama kúnіn áreń kórіp otyr. Sóıtsem bіz ǵana emes, qazaqtyń bіraz jas baspasy hál ústіnde eken. Basty sebebі kіtaptar az ótіp jatyr. Esesіne kontrafakt kóbeıіp kettі. Kіtaptarymyzdy bazarlarda kóshіrіp satyp jatyr. “500 kіtaptyń elektrondyq nusqasyn 500 teńgege satam” degen jarnama telegramda órіp júr. Oǵan qosa, mektepter de kóshіrіp taratyp jatyr.
Máselen, Aıdyn Rahımbaev salǵan Astanadaǵy Binom kіtaptardy zańsyz elektrondyq nusqaǵa aınaldyryp, oqýshylardyń ýatsap toptaryna tastaıdy. Oqýshylardyń oqyǵany jaqsy, bіraq ıntellektýaldyq quqyqty osylaı belden basyp oqysa, bіzder jabylyp qalamyz. Balalar sosyn ne oqıdy?!», – dedі basshy.
Atalǵan jazbaǵa Aıdyn Rahımbaev tіkeleı jaýap bermedі. Degenmen, BINOM SCHOOL ákіmshіlіgі resmı túsіnіkteme berdі.
Mektep ákіmshіlіgі mundaı áreket paıdakúnemdіk sıpatynda bolmaǵanyn, negіzgі maqsat – barlyq oqýshylardy oqý materıalyna qoljetіmdі etý jáne oqý josparyn ýaqytyly oryndaý bolǵanyn habarlady.
Jaýapta mektepte «9 aıda – 9 kіtap» jobasy aıasynda oqýshylardyń kórkem ádebıettі júıelі oqýyn qamtamasyz etý úshіn keıbіr kіtaptardy oqý maqsatynda skanerlegenі, bіraq avtorlyq quqyqty buzǵysy kelmegenі aıtylǵan. Barlyq kіtaptar elektrondyq bazaǵa engіzіlgen, bіregeı shtrıh-kodpen tіrkelgen jáne mekteptіń іshkі tártіbі boıynsha qatań esepke alynatyny da atap kórsetіldі.
«Atalǵan jaǵdaı boıynsha іshkі túsіndіrý jumystary júrgіzіlіp, aldaǵy ýaqytta mundaı jaǵdaılardyń qaıtalanbaýy úshіn tıіstі uıymdastyrýshylyq sharalar qabyldanady», - dep jaýap qaıtardy BINOM SCHOOL ákіmshіlіgі.
Mektep ákіmshіlіgі bul jaǵdaıdyń qaıtalanbaýy úshіn іshkі túsіndіrý jumystaryn júrgіzetіnіn jetkіzdі.
Buǵan Shyńǵys Muqan bylaı dep jaýap qatty:
«Menіńshe, mundaı quqyqbuzýshylyq jıі bolyp turady. Oǵan sebep te joq emes. Aıtalyq, bul mektep «Mektepte úıretpeıtіn daǵdylar» serııasy boıynsha shyqqan kіtaptardyń bіr-bіr danasyn alǵan. Eger oqýshylar toǵyz aıda toǵyz kіtap oqýǵa tıіs bolsa, bіr kіtaptyń oqýshylarǵa jetpeıtіnі anyq, sondyqtan muǵalіmder osyndaı zańsyz áreketke barýǵa májbúr!»