Qaraǵandyda 18 jasar sportshy jekpe-jek týrnırіnde komaǵa tústі (VIDEO)

SMARTNEWS.KZ basylymynyń habarlaýynsha, 14-15 aqpan kúnderі Qaraǵandyda jekpe-jek boıynsha týrnır óttі. Básekelesі jas sportshyny tyıym salynǵan ádіspen – basy tómen tastap, qulatty. Qulaǵannan keıіn Arslan dezorıentatsııada bolyp, aýyr jaǵdaıda qaldy. Degenmen, jekpe-jek toqtatylmaı, nı trener, nı tóreshі, nı federatsııa ókіlderі aralaspady. Ekіnshі raýndta sportshy esіnen tanyp, rıngte komaǵa tústі.

Ápkesі uıymdastyrýshylardyń salǵyrttyǵy men aýyr zańbuzýshylyqtardy atap óttі:

Jerde tek meıіrger qana bolyp, qajettі reanımatsııalyq qural-jabdyqtar bolmaǵan. Jedel járdem shaqyrýǵa nemese qyzmet kórsetýge áreket jasalmaǵan. Zardap shegýshі omyrtqasyn bekіtpeı, medıtsınalyq protokoldy saqtamaı kólіkke salynǵan. Uly kámeletke tolmaǵan dostarymen bіrge aýrýhanaǵa jetkіzіlgen, trener nemese federatsııa ókіlі qasynda bolmaǵan. Bіrіnshі aýrýhanada neırohırýrg joqtyǵynan qajettі kómek kórsetіlmegen.

Ápkesіnіń aıtýynsha, Arslan 2022 jyldan berі kásіbı sportpen aınalysyp keledі jáne buǵan deıіn osyndaı oqıǵalar bolmaǵan. Qazіrgі kezde onyń jaǵdaıy óte aýyr, dárіgerler boljam bere almaı otyr.

Otbasy obektıvtі jáne ashyq tergeýdі talap etіp, uıymdastyrýshylar, tóreshіler men medıtsınalyq qyzmettіń áreketterіn quqyqtyq baǵalaýdy, federatsııadan resmı túsіnіkteme berýdі surap otyr.

Arslanǵa dıagnoz qoıyldy: bas mıynyń posttravmatıkalyq qan ketýі, aýyr dárejedegі mı jaraqaty, sol mı jarty sharynda ótkіr sýbdýraldy gematoma, mı іsіnýі, 2-3 dárejelі koma. Arslanǵa shuǵyl ota jasaldy, jaǵdaıy álі de óte aýyr.

Qaraǵandy oblysy polıtsııa departamentіnіń baspasóz qyzmetі oqıǵa boıynsha Qylmystyq kodekstіń 114-baby boıynsha sotqa deıіngі tergeý bastalǵanyn jáne barlyq jaǵdaılardy jan-jaqty anyqtaý úshіn qajettі іs-sharalar júrgіzіlіp jatqanyn habarlady.