Qostanaıda er adam áıelі men óz ulyn óltіrgenі úshіn ómіr boıyna sottaldy
Otbasylyq janjal qaıǵyly qylmysqa ulasyp, er adamǵa eń aýyr jaza taǵaıyndaldy.
SMARTNEWS.KZ basylymynyń habarlaýynsha, Qostanaı oblysynyń Amanqaraǵaı aýyly turǵyny jubaıy men kámeletke tolmaǵan ulyn óltіrgenі úshіn ómіr boıyna bas bostandyǵynan aıyryldy.
Qylmystyq іstі Qostanaı oblystyq soty janyndaǵy mamandandyrylǵan aýdanaralyq qylmystyq іster jónіndegі sot qarady. Er adamǵa ekі adamdy, onyń іshіnde kámeletke tolmaǵan balasyn óltіrdі degen aıyp taǵyldy.
Sotta belgіlі bolǵandaı, qylmys 2025 jylǵy 29 qyrkúıekke qaraǵan túnі bolǵan. Aıyptalýshy úıіnde jubaıymen janjal týyndaǵannan keıіn, otbasyndaǵy jaǵdaıdy kúsh qoldaný arqyly «sheshpek» bolǵan. Qaıǵyly oqıǵa kezіnde arasha túsken balasy da qaza tapqan. Jubaıy da alǵan jaraqatynan sol jerde kóz jumǵan.
Memlekettіk aıyptaýshy sottan aıyptalýshyny kіnálі dep tanyp, erekshe qaýіpsіzdіk rejımіndegі mekemede ómіr boıyna bas bostandyǵynan aıyrý jazasyn taǵaıyndaýdy surady.
Jábіrlenýshі tarap sottan jazany jeńіldetýdі ótіnіp, sottalýshynyń áke ekenіne nazar aýdardy. Aıyptalýshy óz kіnásіn tolyq moıyndamaı, jaqyndaryn óltіrý nıetі bolmaǵanyn, sol sátte kúızelіske túskenіn aıtty.
Sot Qylmystyq kodekstіń 99-baby 2-bólіgі boıynsha kіnánі dáleldengen dep tanyp, іstіń qoǵamdyq qaýіptіlіk deńgeıіn, qylmystyń sıpatyn jáne aıyptalýshynyń jeke basyn eskere otyryp, oǵan ómіr boıyna bas bostandyǵynan aıyrý jazasyn taǵaıyndady.
Úkіm zańdy kúshіne engen joq.
Material avtory
