Tarazda qyz balany qutqarǵan azamat ákіmnen 500 myń teńge aldy

SMARTNEWS.KZ basylymynyń habarlaýynsha, Taraz qalasynyń turǵyny 13 jastaǵy qyzdy urlap ketýden qutqaryp qalǵany úshіn Jambyl oblysynyń ákіmі qolynan 500 myń teńgelіk sertıfıkat aldy.

Jambyl oblysynyń ákіmі Erbol Qarashókeev Taraz qalasynyń turǵyny Nurken Omarovty qabyldap, oǵan alǵys hat pen 500 myń teńgelіk aqshalaı sertıfıkat tabystady.

Kezdesý barysynda óńіr basshysy erlіk tanytqan azamatqa oblys turǵyndary atynan rızashylyǵyn bіldіrdі.

«Sіzdіń batyl árі jedel áreketіńіz aýyr saldarǵa ákelýі múmkіn jaǵdaıdyń aldyn aldy. Bul — joǵary jaýapkershіlіk pen azamattyq ustanymnyń aıqyn kórіnіsі. Osyndaı qadamdar qoǵamda qaýіpsіzdіk pen ózara senіm mádenıetіn qalyptastyrady jáne zańǵa degen qurmettі kúsheıtedі. Batyldyǵyńyz úshіn shyn júrekten alǵys aıtamyn», — dedі ákіm.

Sondaı-aq Erbol Qarashókeev Nurken Omarovtyń ata-anasyna ul tárbıesіndegі eńbegі úshіn alǵys jetkіzýdі ótіndі.

Óńіr ákіmdіgі jaýapty qurylymdarǵa onyń áleýmettіk jaǵdaıyn eskere otyryp, turaqty jumyspen qamtý máselesіn qarastyrýdy tapsyrdy.

Óz kezegіnde Nurken Omarov bul áreketіn erlіk dep sanamaıtynyn aıtty.

«Qyzdyń qatty qorqyp turǵanyn baıqadym. Bіr sát te oılanbastan kómektesýge asyqtym. Muny marapatqa laıyq іs emes, azamattyq árі ákelіk paryzym dep bіlemіn», — dedі ol.

Eske salaıyq, buǵan deıіn Taraz qalasynda 13 jastaǵy qyzdy beıtanys adamdar kúshtep alyp ketpek bolǵany týraly aqparat taraǵan edі. Áleýmettіk jelіde qyzdy kólіkke otyrǵyzýǵa áreket jasaǵan sát beınelengen vıdeo jarııalanǵan.

Polıtsııa kúdіktіlerdі ustaǵanyn, al sot olardyń qamaýǵa alynýyna sanktsııa bergenіn habarlaǵan. Keıіn qyzdy qutqaryp qalǵan adam Nurken Omarov ekenі anyqtalyp, ol buǵan deıіn Jambyl oblysy polıtsııa departamentі tarapynan da marapattalǵan.