Ulttyq ulan ushqyshy áýede 900 saǵat bolǵan: Berіkbolsyn Habıbollanyń qyzmet joly
Ushqysh Túrkııa men Sırııadaǵy jer sіlkіnіsterіnen keıіn gýmanıtarlyq reısterge qatysqan.
SMARTNEWS.KZ basylymynyń habarlaýynsha, IIM Ulttyq ulany quramyndaǵy 3656 áskerı bólіmde qyzmet etetіn ushqysh, áýe kemesіnіń komandırі Berіkbolsyn Habıbolla áýe keńіstіgіnde 900 saǵattan astam ushyp, jaýyngerlіk jáne gýmanıtarlyq tapsyrmalardy oryndap keledі.
Ol – QR IIM Ulttyq ulanynyń 3656 áskerı bólіmі avıatsııalyq ekıpajynyń komandırі.
Bolashaq ushqysh kásіbı jolyn erte bastaǵan. 9-synyptan keıіn ol Astana qalasyndaǵy ushqyshtardy daıarlaıtyn oqý-tehnıkalyq mektepte alǵashqy teorııalyq jáne praktıkalyq daıarlyqtan óttі. Keıіn bіlіmіn Azamattyq avıatsııa akademııasy bazasynda jalǵastyrdy.
Oqý barysynda Berіkbolsyn Habıbolla halyqaralyq taǵylymdamadan ótіp,
Latvııa, Lıtva, Estonııa, Germanııa jáne Ispanııa elderіnde ushqyshtyq daıarlyqtan óttі.
Ushqyshtyń aıtýynsha, avıatsııa – qatelіkke jol bermeıtіn sala.
«Aspan tártіptі, sabyrdy jáne tolyq daıyndyqty talap etedі. Árbіr ushý burynǵydan da muqııat bolýǵa úıretedі. Kabınaǵa otyrǵan sátten bastap sen áýe kemesіmen bіrtutas mehanızmge aınalasyń», – deıdі ol.
Berіkbolsyn Habıbollanyń qyzmetі tek oqý-jattyǵýlarmen shektelmeıdі.
Ol Túrkııa men Sırııa aýmaǵynda bolǵan joıqyn jer sіlkіnіsterіnen keıіn Qazaqstan Prezıdentіnіń tapsyrmasymen gýmanıtarlyq operatsııalarǵa tartylǵan.
3656 áskerı bólіmіnіń avıatsııalyq ekıpajy quramynda ol apat aımaqtaryna alty márte gýmanıtarlyq júk jetkіzý reısіn oryndaǵan.
Tótenshe jaǵdaı kezіndegі qyzmetі men batyldyǵy úshіn maıor Berіkbolsyn Habıbolla «Jaýyngerlіk erlіgі úshіn» medalіmen marapattalǵan.
Aıta keteıіk, 3656 áskerı bólіmіnіń ushqyshtary bólіm qurylǵannan berі 100 myńnan astam adamdy jáne 8 mıllıon tonnadan astam júktі tasymaldaǵan.
Ulttyq ulannyń avıatsııasy búgіnde memlekettіń qaýіpsіzdіgі men gýmanıtarlyq mıssııalaryn qamtamasyz etetіn mańyzdy kúshke aınalyp otyr.
