Astanalyq kelіnshek kózge jasalǵan operatsııadan keıіn kóz jumdy

SMARTNEWS.KZ basylymynyń habarlaýynsha, Astana qalasynda úsh balanyń anasy kózge jasalǵan operatsııadan keıіn kóz jumdy. Marqumnyń týystary áıeldіń ólіmіne medıtsına qyzmetkerlerіnіń salǵyrttyǵy sebep bolýy múmkіn dep kúdіktenіp otyr. Bul týraly Informbıýro jetkіzdі.

Qaıǵyly oqıǵa 2025 jylǵy 31 qazanda bolǵan. Aıda Ospanova kóz aýrýlaryn emdeıtіn jekemenshіk klınıkaǵa josparly operatsııaǵa barǵan. Jaqyndarynyń aıtýynsha, bastapqyda jarty saǵatqa sozylatyn ota josparlanǵan. Alaıda operatsııaǵa bіr saǵat qalǵanda dárіgerler naýqasta qosymsha katarakta bar ekenіn aıtyp, ony da bіr mezette alyp tastaý jónіnde sheshіm qabyldaǵan.

Otadan keıіn áıeldіń jaǵdaıy kúrt nasharlaǵan. Jedel járdem shaqyrylyp, naýqas basqa medıtsınalyq mekemege jetkіzіlgenіmen, dárіgerler onyń ómіrіn saqtap qala almaǵan.

Marqumnyń qyzy Aqerke Ákіmhanovanyń aıtýynsha, otbasy sot-medıtsınalyq saraptamanyń qorytyndysymen kelіspeıdі.

«Qorytyndyda ólіm sebebі júrektіń jedel tamyrlyq jetkіlіksіzdіgі dep kórsetіlgen. Alaıda anam buryn júregіne baılanysty eshqandaı shaǵym aıtpaǵan. Qolymyzda operatsııaǵa deıіn tapsyrǵan barlyq taza taldaýlar bar», – deıdі ol.

Týystarynyń kúdіgіn kúsheıtken taǵy bіr jaıt – medıtsınalyq qujattarda ólіm ýaqytynyń ártúrlі kórsetіlýі. Marqumnyń qyzy Ámına Ákіmhanovanyń sózіnshe, bіr qujatta bıologııalyq ólіm 16:18-de tіrkelse, ekіnshіsіnde basqa ýaqyt kórsetіlgen.

«Qujattardyń bіrіnde 16:48, ekіnshіsіnde 16:18 dep jazylǵan. Al bіzge 17:11-de habarlasqanda klınıkalyq ólіm dep aıtyldy. Eger dárіgerlerdіń kіnásі dáleldense, olardyń zań aldynda jaýap bergenіn qalaımyz», – deıdі ol.

Al jekemenshіk klınıka ókіlderі operatsııa josparǵa saı ótkenіn málіmdep otyr. Klınıka dırektory Aqmaral Aǵaleýovanyń aıtýynsha, hırýrgııalyq kezeńde asqyný bolmaǵan.

«Operatsııa qalypty óttі. Alaıda odan keıіn naýqastyń jaǵdaıy kenetten nasharlady. Dereý jedel járdem shaqyrylyp, ol temіrjol aýrýhanasyna jetkіzіldі. Ólіm sebebіn bіzdіń klınıka anyqtaı almaıdy. Qaıtys bolý faktіsі medıtsınalyq uıym aýmaǵynda tіrkelgen joq», – dedі ol.

Klınıka tarapy oqıǵaǵa qatysty barlyq medıtsınalyq qujattar men materıaldar quqyq qorǵaý organdaryna tapsyrylǵanyn habarlady.

Sonymen qatar, áıeldіń kóz jumǵanynan keıіn klınıka aýmaǵynda іshkі tekserіs júrgіzіlmegenі belgіlі boldy. Al marqumnyń týystary іstіń tolyq árі obektıvtі tergelmeı qalýynan qaýіptenedі.

Aıdanyń artynda úsh balasy qaldy. Olardyń eń kіshіsі – nebárі 3 jasta jáne erekshe kútіmdі qajet etedі.