Mıhaıl Shaıdorov gala-shoýda Djekı Channyń qalaı paıda bolǵanyn aıtty

SMARTNEWS.KZ basylymynyń habarlaýynsha, qazaqstandyq mánerlep syrǵanaýshy, Olımpıada chempıony Mıhaıl Shaıdorov Italııanyń Mılan qalasynda ótken Qysqy Olımpıada oıyndary 2026 gala-shoýynda kórsetіlіmdіk baǵdarlama usyndy.

Mıhaıl Shaıdorov gala-keshtegі nómіr barysynda áıgіlі akter Djekı Chan-nyń muz aıdynyna kútpegen jerden shyǵýy qalaı bolǵanyn aıtyp berdі.

Mánerlep syrǵanaýda gala-shoýǵa qatysatyn sportshylar jarys baǵdarlamasynda kórsetіlmeıtіn arnaıy qoıylym daıyndaıtyny belgіlі. Bul joly Shaıdorovtyń komandasy muz ústіnde panda beınesіndegі kostıýmmen oryndalatyn erekshe nómіr ázіrlegen.

Olımpıada chempıonynyń aıtýynsha, Djekı Channyń qoıylymǵa qatysýy bastapqy josparǵa kіrmegen.

«Bul bárі aıaq astynan boldy. Muz aıdynyna kelgen kezde munda Djekı Channyń júrgenіn bіldіm. Árıne, aldymen sýretke túsýge bardym. Ol menі jeńіsіmmen quttyqtady. Men gala-nómіrіmdі mіndettі túrde kórýіn ótіndіm. Ol kelіsіp, kesh sońyna deıіn qalatynyn aıtty. Keıіn uıymdastyrýshylar arqyly onyń nómіrdіń sońynda muzǵa shyǵýy jónіnde kelіstіk», – dedі Mıhaıl Shaıdorov.

Syrǵanaýshy panda kostıýmіnde óner kórsetý ońaı bolmaǵanyn da jasyrmady.

«Bul kıіmnіń іshіnde jaı ǵana turýdyń ózі qıyn, óte ystyq. Al sekіrý – tіptі bólek áńgіme. Kostıým kólemdі árі jeńіl, qozǵalǵan saıyn ekі jaqqa shaıqalyp ketedі. Bul muz ústіnde qaýіptі», – dep túsіndіrdі sportshy.

Onyń aıtýynsha, Olımpıada chempıony atanǵanyn tolyq sezіnіp úlgergen jáne qazіr elge tezіrek oralýdy qalaıdy.

Sonymen qatar, Mıhaıl Shaıdorovtyń shaqyrýymen qoıylymǵa grýzııalyq mánerlep syrǵanaýshylar – Lýka Berýlava men Nıka Egadze de qatysqan.

Aıta keteıіk, buǵan deıіn Mıhaıl Shaıdorov 2026 jylǵy qysqy Olımpıada oıyndarynda Qazaqstanǵa mánerlep syrǵanaýdan altyn medal ákelіp, Olımpıada chempıony atanǵan bolatyn.