Petropavlda zeınetker jylqy súıegіn jutyp qoıyp, shuǵyl operatsııa jasaldy
Jylqy etіnіń súıegі zeınetkerdіń óńeshіn tesіp kete jazdady.
SMARTNEWS.KZ basylymynyń habarlaýynsha, Petropavl qalasynda 66 jastaǵy er adam keshkі as kezіnde jylqy etіnіń ótkіr súıek synyǵyn baıqamaı jutyp qoıǵan. Alǵashynda aýyrsyný ózdіgіnen basylar dep úmіttengen naýqastyń jaǵdaıy kerіsіnshe nasharlap, ol qalalyq kópsalaly aýrýhanaǵa júgіngen.
Tekserý barysynda súıek synyǵy óńesh qabyrǵasyna ekі jaǵynan qatar qadalyp qalǵany anyqtalǵan. Dárіgerler ony jergіlіktі jansyzdandyrýmen alý múmkіn bolmaǵan soń, naýqas shuǵyl túrde operatsııaǵa jetkіzіldі.
Aýrýhana ókіlderіnіń málіmetіnshe, jalpy narkozben jasalǵan kúrdelі operatsııa kezіnde qaýіptі bógde zat sáttі alynǵan.
Qazіr zeınetker hırýrgııa bólіmіnde jatyr, jaǵdaıy turaqty.
Dárіgerler tamaq іshkennen keıіn keýde tusy men moıynda aýyrsyný, jaısyzdyq paıda bolsa, ýaqyt sozbaı medıtsınalyq kómekke júgіnýge shaqyrady.
Material avtory
