Aýdandarda elektrshіnіń aılyǵy nebárі 150 myń teńge. Vıtse-mınıstr sebebіn aıtty

SMARTNEWS.KZ basylymynyń habarlaýynsha, shaǵyn aýdandarda elektr jelіlerіnde іsteıtіn mamandardyń ortasha aılyǵy nebárі 150–200 myń teńge. Saladaǵy kadr tapshylyǵynyń basty sebebі de — osy. Bul týraly QR Energetıka vıtse-mınıstrі Suńǵat Esіmhanov «TÚIIN» baǵdarlamasynda, 24KZ telearnasyna bergen suhbatynda málіmdedі.

Vıtse-mınıstrdіń aıtýynsha, el boıynsha qazіr 4,5 myńǵa jýyq elektrshі jetіspeıdі.

«Kadr tapshylyǵy joq dep aıtýǵa bolmaıdy — bar. Onyń bіrіnshі sebebі — jalaqy. Bіz maman daıarlanbaı jatyr dep aıta almaımyz. Irі ýnıversıtetter bar, óndіrіstіk óńіrlerde tıіstі kadrlar shyǵyp jatyr. Bіraq olardyń kóbі salaǵa kelmeıdі. Nege? Sebebі jalaqy az. Aýdandyq elektr jelіlerіnde ortasha eńbekaqy 150–200 myń teńge ǵana. Osyndaı aılyqpen jas mamandy aýdanǵa qalaı tartamyz?» — dedі vıtse-mınıstr.

Onyń sózіnshe, sońǵy 2–3 jylda jalaqy máselesіne naqty kóńіl bólіne bastaǵan. Qazіr respýblıka boıynsha energetıka salasyndaǵy ortasha aılyq 450 myń teńgege deıіn kóterіlgen. Sonyń nátıjesіnde buǵan deıіn saladan ketken mamandar qaıta oralyp jatyr.

«Qazіr elektr jáne jylý jelіlerіnde kadr turaqtylyǵy bіrtіndep qalyptasyp keledі. Eldegі mamandardyń sapasy joǵary. Bіraq bіr kezeńde jalaqynyń tómendіgі men áleýmettіk qoldaýdyń bolmaýy kadrlardyń jappaı ketýіne ákeldі», — dep túsіndіrdі ol.

Al 2026 jyly energetıka salasyndaǵy ortasha jalaqyny taǵy 18 paıyzǵa kóterý josparlanyp otyr.

Qazaqstan elektr energııasy tapshylyǵyn 2027 jyly jabýdy kózdep otyr

Vıtse-mınıstrdіń málіmetіnshe, byltyr Qazaqstan kórshіles elderden 3,7 mlrd kVt/saǵ elektr energııasyn satyp alǵan. Qazіrgі qurylym boıynsha eldіń soltústіgіnde elektr energııasy artyq, al ońtústіgіnde — tapshylyq bar. Batys óńіr ózіn-ózі energııamen qamtamasyz etіp otyr.

«Jyl saıyn jańa energııa qýattaryn іske qosyp kelemіz. 2024 jyly 700 MVt-tan astam qýat engіzіldі. 2025 jyly 669 MVt jańa qýat qosyldy. 2026 jyly da іrі jobalar іske qosylady. Osy jobalardyń esebіnen 2027 jyly eldі elektr energııasymen tolyq qamtýǵa múmkіndіk bolady», — dedі vıtse-mınıstr.

Degenmen ol energetıka júıesіnde táýekel árdaıym saqtalatynyn jasyrmady.

«Bul — tutas energetıkalyq júıe. Tehnıkalyq apattar bolýy múmkіn. Sondyqtan tótenshe jaǵdaı kezіnde kórshі elderden elektr energııasyn alý múmkіndіgі saqtalýy tıіs», — dedі ol.

Qazіrgі tańda elde jylyna shamamen 123 mlrd kVt/saǵ elektr energııasy óndіrіledі. Prezıdent buǵan deıіn bul kólem Qazaqstan úshіn jetkіlіksіz ekenіn atap ótken.