«Qazaqstanda jattyqqan yńǵaıly»: Mıhaıl Shaıdorov Reseıdegі jattyǵýy týraly aıtty

SMARTNEWS.KZ basylymynyń habarlaýynsha, qazaqstandyq mánerlep syrǵanaýshy Mıhaıl Shaıdorov jattyǵýdy Qazaqstanda ótkіzýdі Reseıge qaraǵanda áldeqaıda qolaıly sanaıtynyn aıtty. Bul týraly Okko Sport YouTube-arnasyna bergen suhbatta aıtyp berdі. 

Sportshydan bіr jyl buryn Sochı qalasynan elge oralǵany eske salynyp, kóshý qanshalyqty qıyn bolǵany suralǵan.

Shaıdorovtyń aıtýynsha, Reseıde daıyndyq jasaý árdaıym jaıly bola bermegen.

«Maǵan Qazaqstanda jattyqqan áldeqaıda unaıdy. Sochıde ózіmdі árdaıym erkіn sezіne bermedіm. Al Qazaqstanda bolý maǵan shyn mánіnde unaıdy. Degenmen daıyndyq jaǵynan jaǵdaı jasaldy. Muz aıdyny berіldі, tіptі jeke kıіm aýystyratyn bólmem de boldy.

Jalpy, jattyǵý úderіsі jaman bolǵan joq. Alekseı Evgenevıch keıde maǵan ózі kelіp turdy, bіraq kóbіne onlaın jumys іstedіk. Ásіrese jarystardyń aldynda ol jıі kelіp, árі qaraı sol jaqtan bіrge jolǵa shyǵatynbyz», – dedі sportshy.

Shaıdorovtyń jeke bapkerі – Alekseı Ýrmanov.

Eske sala keteıіk, Mıhaıl Shaıdorov Italııada ótіp jatqan 2026 jylǵy qysqy Olımpıada oıyndary jarysynda chempıon atandy. Jeńіsten keıіn sportshy «Barys» ordenіnіń II dárejesіmen marapattaldy jáne aqshalaı syıaqy alady.

Sondaı-aq Shaıdorov Olımpıadanyń jabylý saltanatynda Qazaqstan týyn alyp shyqty.