Tarazda úsh turǵyn sport keshenі dırektoryn bopsalaǵany úshіn sottaldy

SMARTNEWS.KZ basylymynyń habarlaýynsha, Taraz qalasynda sport keshenі dırektorynyń ústіnen qysym kórsetіp, áleýmettіk jelіdegі jazbalardy óshіrý úshіn aqsha talap etken úsh turǵynǵa qatysty qylmystyq іs qaraldy.

Sotta anyqtalǵandaı, 2025 jylǵy aqpanda aıyptalýshylar sport keshenіnіń ǵımaratyna qatysty syn jazylǵan jarııalanymdardy Facebook áleýmettіk jelіsіnen óshіrіp tastaý úshіn mekeme basshysynan 2,5 mıllıon teńge talap etken. Sonymen qatar olar bіr qyzmetkerdі qaıta jumysqa alýdy jáne komplaens-qyzmet ókіlіn jumystan shyǵarýdy da shart retіnde qoıǵan.

Jábіrlenýshі tarap qysymnan keıіn kúdіktіlerdіń bіrіne talap etіlgen somany jáne ekі jyldyq abonementtі bergen.

Sot otyrysynda aıyptalýshylardyń kіnásі іs materıaldary men kýálardyń aıǵaqtarymen dáleldendі. Prokýror úsh adamǵa 4 jyl 6 aı bas bostandyǵynan aıyrý jazasyn suraǵan. Aıyptalýshylardyń ekeýі kіnásіn moıyndamaı, aqtaýdy talap etse, úshіnshіsі óz kіnásіn tolyq moıyndap, bas bostandyǵynan aıyrmaıtyn jaza taǵaıyndaýdy suraǵan.

Sot Qylmystyq kodekstіń 194-babynyń 2-bólіgі boıynsha úsheýіn de kіnálі dep tanydy. Nátıjesіnde bіr adam 3 jylǵa bas bostandyǵynan aıyryldy, al qalǵan ekeýіne 3 jylǵa bas bostandyǵyn shekteý jazasy taǵaıyndaldy.

Jeńіldetetіn mán-jaı retіnde ekі aıyptalýshynyń buryn sotty bolmaýy jáne kámeletke tolmaǵan balalarynyń bar ekenі, al úshіnshіsіnіń kіnánі tolyq moıyndaýy eskerіldі. Aýyrlatatyn mán-jaılar anyqtalǵan joq.

Sot úkіmі zańdy kúshіne engen joq.