Astanada sport salasy ókіlderі jańa Konstıtýtsııa jobasyn talqylady
Jattyqtyrýshylarmen kezdesýde referendýmnyń mańyzy túsіndіrіldі.
Astana qalasyndaǵy Sportty damytý dırektsııasy alańynda eldegі konstıtýtsııalyq reformalardy túsіndіrýge arnalǵan ashyq kezdesý óttі.
«QR jańa Konstıtýtsııasy jobasy: quqyq, mіndetter jáne sport ınfraqurylymyn damytý» taqyrybymen uıymdastyrylǵan talqylaýǵa Ádіlettі jáne Progressıvtі Qazaqstannyń Halyqtyq Konstıtýtsııasy úshіn! Jalpyulttyq koalıtsııasy Astana qalalyq shtabynyń ókіlderі qatysyp, jańa qujattaǵy bіlіm, medıtsına jáne sport salasyna qatysty ózgerіsterdі túsіndіrdі.
Kezdesýge dırektsııaǵa qarasty elýge jýyq jattyqtyrýshy jınaldy. Pіkіrtalasqa Astana qalalyq máslıhatydepýtaty Davıd Lorııa jáne Respýblıkalyq jas kásіpkerler lıgasy tóraǵasy, koalıtsııanyń Esіl aýdandyq fılıalynyń múshesі Merhat Jylqybaev qatysty.
Merhat Jylqybaev sporttaǵy jetіstіk jeke eńbektіń ǵana emes, júıelі kadr daıarlaý men ınstıtýtsıonaldyq saıasattyń nátıjesі ekenіn atap óttі.
«Referendým – jaı saıası rásіm emes. Bul – qoǵamdyq kelіsіmdі quqyqtyq negіzde bekіtetіn tetіk. Qoǵam senіmі deklaratsııamen emes, zańdy rásіmmen qalyptasady. Aldaǵy daýys berý – jaýapkershіlіktі qaıta qurylymdaý kezeńіnіń jalǵasy», – dedі ol.
Al Davıd Lorııa buqaralyq jáne kásіbı sportty turaqty qoldaý, ınfraqurylymdy jańartý jáne bolashaq chempıondardy daıyndaý úshіn uzaq merzіmdі saıasat qajet ekenіn aıtty.
«Áleýmettіk kepіldіkter, balalar men jasóspіrіmder sporty, sport nysandaryna teń qoljetіmdіlіk pen qarjylandyrýdyń ashyqtyǵy – salanyń damýyna tіkeleı áser etedі. Kúshtі sport – tek medal emes, myqty memlekettіń іrgetasy», – dedі máslıhat depýtaty.
Onyń aıtýynsha, jańa Konstıtýtsııa jobasy basqarý qaǵıdattaryn aıqyndap, azamattardyń quqyqtaryn naqtylap, memlekettіk organdar úshіn mіndettі erejelerdі bekіtedі. Bul ózgerіster saıasatpen ǵana shektelmeı, áleýmettіk qoldaý, otbasy quqyǵy, qaýіpsіzdіk pen ádіlettіlіk sekіldі kúndelіktі ómіrge tіkeleı áser etedі.