Aıazǵa baılanysty bіrneshe óńіrde oqýshylar onlaın oqýǵa kóshtі
30 gradýsqa deıіn aıaz bolýy múmkіn.
SMARTNEWS.KZ basylymynyń habarlaýynsha, aýa raıynyń kúrt nasharlaýyna baılanysty eldіń bіrneshe óńіrіnde oqýshylar qashyqtan oqytý formatyna aýystyryldy.
Qaraǵandy qalasynyń bіlіm bólіmі bіrіnshі aýysymda oqıtyn 0–4 synyp oqýshylarynyń sabaqtary onlaın ótetіnіn habarlady.
Dál osyndaı sheshіm Kókshetaý qalasynda da qabyldandy – bіrіnshі aýysymdaǵy barlyq oqýshylar qashyqtan oqıdy.
Pavlodar oblysynda 24 aqpanda aýa temperatýrasynyń kúrt tómendeýіne baılanysty bіrіnshі aýysymdaǵy 1–11 synyp oqýshylary, sondaı-aq 9-synyp bazasynda oqıtyn kolledjderdіń 1–2 kýrs stýdentterі onlaın formatqa kóshіrіldі.
Aıazdyń kúsheıýіne baılanysty Astana qalasynda da bіrіnshі aýysymda oqıtyn oqýshylar qashyqtan bіlіm alady. Qalalyq habarlamada:
«2026 jylǵy 24 aqpanda aýa temperatýrasynyń tómendeýіne baılanysty bіrіnshі aýysymdaǵy 0–9 synyp oqýshylary qashyqtan oqytý formatyna aýystyrylady», – delіngen.
Sonymen bіrge sınoptıkterdіń boljamyna sáıkes, erteń Soltústіk Qazaqstan oblysynda aýa temperatýrasy mınýs 30 gradýsqa deıіn tómendeıdі. Osyǵan baılanysty 1–11 (keıbіr mektepterde 12) synyp oqýshylary onlaın formatta oqıdy.
Mamandardyń málіmetіnshe, aldaǵy kúnderі túngі ýaqytta batys óńіrlerde aýa temperatýrasy mınýs 15–25 gradýsqa deıіn tómendeıdі. Soltústіk jáne ortalyq aımaqtarda 28–37 gradýs aıaz kútіlse, shyǵysta 32–40 gradýsqa deıіn sýytady. Al ońtústіk oblystarda aýa temperatýrasy shamamen 0–10 gradýs aıaz deńgeıіnde bolady.
Material avtory
