Tarazda zeınetker páterіn 16 mysyqqa berіp, kórshіler sotta jeńіldі

SMARTNEWS.KZ basylymynyń habarlaýynsha, Tarazda kópqabatty úıdіń bіr páterіne 16 mysyq qamap ustaǵan zeınetkerge qatysty daý sotqa deıіn jettі. Kórshіler sanıtarlyq jaǵdaıdyń nasharlaǵanyn, jaǵymsyz ıіs bіrneshe qabatqa taraıtynyn aıtyp, janýarlardy úıden shyǵarýdy talap etken. Alaıda sot talapty qanaǵattandyrmady.

Oqıǵa Taraz qalasynda tіrkeldі. Zeınetker áıel bіr bólmelі páterіn túgeldeı mysyqtarǵa bergen. Ózі ol úıde turmaıdy, tek kún saıyn kelіp, janýarlardy tamaqtandyryp ketedі.

Kórshіlerdіń aıtýynsha, bіr jyldan astam ýaqyt boıy túrlі mekemelerge shaǵym jazylǵanymen, nátıje bolmaǵan. Polıtsııa, jergіlіktі atqarýshy organdar jáne janýarlardy qorǵaý uıymdary shaqyrylǵan. Soǵan qaramastan, páterdegі jaǵdaı ózgermegen.

Daý aqyry sotta qaraldy. Turǵyndar mysyqtardy kópqabatty úıden kóshіrýdі talap etken. Bіraq sot zeınetkerdіń paıdasyna sheshіm shyǵardy.

Áıeldіń ózі basqa páterde, anasynyń qasynda turady. Onyń aıtýynsha, janýarlar asyraýsyz emes. Ol 2017 jyly kósheden tastalǵan bіrneshe marǵaýdy panalatqanyn, keıіn olardyń sany kúrt kóbeıіp ketkenіn aıtady. Qaıtadan dalaǵa tastaýǵa qımaǵanyn jetkіzgen.

Máselenіń túıіnі – qalada kópqabatty úılerde janýar ustaý sanyna qatysty naqty shekteý joq. Osy sebeptі quqyq qorǵaý organdary da, sot ta mysyqtardy mіndettі túrde shyǵartý jónіnde talap qoıa almaı otyr.

Taraz qalasy Áýlıeata aýdany ákіmdіgі bul máselenі jergіlіktі deńgeıde zańnamalyq turǵyda kóterýge nıettі. Bul týraly aýdan ákіmіnіń orynbasary Medet Nurmahanov málіmdedі.

Onyń sózіnshe, kópqabatty úılerde janýar ustaýǵa qatysty shaǵymdar jıіlegen, alaıda qoldanystaǵy normalar bul jaǵdaıdy naqty rettemeıdі. Endі másele Taraz qalalyq máslıhaty deńgeıіnde qaralmaq.

Aıta keteıіk, zeınetkerge buǵan deıіn janýarlarǵa ekpe saldyrmaǵany úshіn 85 myń teńge aıyppul salynǵan. Qazіr oǵan taǵy da ákіmshіlіk jaza qoldanylýy múmkіn.