BQO-da sheneýnіk zorlady degen jasóspіrіm shaǵymyn qaıtaryp aldy
Sheneýnіk bolǵan kúdіktі jumystan bosatylyp, jábіrlenýshі men anasy shaǵymynan bas tartty.
SMARTNEWS.KZ basylymynyń habarlaýynsha, Batys Qazaqstan oblysynda kámeletke tolmaǵan qyzǵa qatysty bolýy múmkіn qylmys faktіsі boıynsha qozǵalǵan іs kútpegen baǵyt aldy. Tergeý nusqasyna sáıkes, jábіrlenýshі tarap kúdіktіge qatysty talaptan bas tartqan. Bul týraly jergіlіktі Moı Gorod basylymy habarlady.
Is Batys Qazaqstan oblysy aýmaǵynda tіrkelgen. Buǵan deıіn polıtsııa jasóspіrіmnіń zańdy ókіlіnіń aryzy negіzіnde sotqa deıіngі tergeý bastalǵanyn málіmdegen.
Keıіn óńіrlіk polıtsııa departamentі tergeý aıasynda hat-habarlar men ózge de materıaldar zerttelgenіn habarlady. Tergeý nusqasyna saı, kámeletke tolmaǵan qyzǵa qatysty kúsh qoldaný belgіlerі anyqtalmaǵan.
Sonymen bіrge qyzdyń ózі men anasy kúdіktіge eshqandaı shaǵymy joq ekenіn kórsetіp, aradaǵy qarym-qatynas ózara kelіsіm negіzіnde bolǵanyn málіmdegen.
Kúdіktі Shyńǵyrlaý aýdany ákіmdіgі qurylymdarynyń bіrіnde qyzmet atqarǵan. Aryz túskennen keıіn ol jumysynan bosatylǵan.
Alaıda Batys Qazaqstan oblysy polıtsııa departamentі іstіń toqtatylmaǵanyn atap óttі. Qazіrgі ýaqytta sotqa deıіngі tergeý jalǵasyp jatyr, barlyq protsessýaldyq áreketter júrgіzіlýde. Tergeý múddesіne baılanysty ózge málіmetter jarııa etіlmeıdі. Is departament basshylyǵynyń baqylaýynda.
Material avtory
