RUS
Bul týraly smartnews.kz saıty «Ulttyq aqparattyq tehnologııalar» AQ qoǵammen baılanys basqarmasyna sіlteme jasap habarlaıdy.
«Bіz úshіn memlekettіk qyzmetter Qazaqstannyń barlyq azamattary men turǵyndary úshіn yńǵaıly jáne qoljetіmdі bolýy mańyzdy. Búgіngі tańda bіzdіń elіmіzde qandastar men qonys aýdarýshylar úshіn memlekettіk qoldaý sharalary kóptep jasalyp jatyr. Endі olar óńіrlіk kvotaǵa engіzýge ótіnіmdі HQKO men basqa mekemelerge barmaı-aq, eGov.kz portaly men eGov mobile mobıldі qosymshasy arqyly elektrondy túrde bere alady», - dep atap óttі «Ulttyq aqparattyq tehnologııalar» AQ Basqarma Tóraǵasy Rostıslav Konıashkın.
Jańa qyzmettі eGov.kz portalynda «Azamattarǵa» - «Azamattyq, mıgratsııa jáne ımmıgratsııa» bólіmіnen tabýǵa bolady. Dál osy qyzmet eGov Mobile mobıldі qosymshasyndaǵy «Qyzmetter» - «Jeńіldіkter, járdemaqylar jáne zeınetaqylar» bólіmіnde ornalastyrylǵan.
Ótіnіm berý úshіn paıdalanýshyǵa:
- derbes derekterdі paıdalanýǵa kelіsіmdі rastaý kerek;
- kvota beretіn aımaqty tańdaý qajet;
- ótіnіsh berýshі týraly málіmetterdі toltyrý kerek;
- qazaq jáne orys tіlderіnde notarıaldy kýálandyrylǵan aýdarmasymen pasporttyń kóshіrmesі engіzý kerek;
- neke nemese nekenі buzý týraly kýálіktіń kóshіrmelerіn (bar bolsa) qosý;
- belgіlі bіr mamandyq boıynsha bіlіmіn, bіlіktіlіgіn jáne jumys tájіrıbesіn rastaıtyn qujattardyń kóshіrmelerіn qosý;
- ótіnіshke bіr rettіk parolmen nemese ETSQ arqyly qol qoıý.
Qyzmet nátıjesі qandastardy qabyldaýdyń óńіrlіk kvotasyna engіzý týraly sheshіm nemese bas tartý týraly jaýap túrіnde Jeke kabınette 14 jumys kúnі іshіnde paıda bolady.
Qyzmet іske qosylǵan sátten bastap 272 adam eGov.kz portaly arqyly óńіrlіk kvota alýǵa ótіnіsh bergen.
Óńіrlіk kvota qandastardy Aqmola, Shyǵys Qazaqstan, Batys Qazaqstan, Qostanaı, Pavlodar jáne Soltústіk Qazaqstan men Abaı oblystaryna qonystandyrý úshіn QR Úkіmetі aıqyndaǵan óńіrlerge bólіnedі.
Bul rette óńіrlіk kvotaǵa engіzіlgen qandastarǵa kóshýge sýbsıdııalar (otbasynyń árbіr múshesіne 70 AEK-ten bіrjolǵy tólem) jáne 12 aı іshіnde jaldaý jáne kommýnaldyq qyzmetterdі tóleý shyǵyndaryn jabýǵa (bіr otbasyna 15-ten 30 AEK-ke deıіngі mólsherde) memlekettіk qoldaý sharalary qoljetіmdі.
Sonymen qatar, qandas mártebesіn alǵan etnıkalyq qazaq myna qyzmetterge qol jetkіze alady:
- el aýmaǵyna kіrgen kezde kólіk quraldaryn qosa alǵanda, jeke paıdalanýǵa arnalǵan múlіkke kedendіk tólemderdі tóleýden bosatý;
- qandastardy beıіmdeý jáne ıntegratsııalaý ortalyqtarynda tegіn beıіmdelý jáne ıntegratsııalyq qyzmettermen qamtamasyz etý;
- tehnıkalyq jáne kásіptіk, orta bіlіmnen keıіngі jáne joǵary bіlіmnіń oqý uıymdaryna túsýge kvotalar sheńberіnde bіlіm alý (Qazaqstan Respýblıkasynda azamattyǵy ulty qazaq adamdar úshіn kvota 4% mólsherіnde belgіlengen);
- Qazaqstan azamattarymen teń dárejede jumyspen qamtýǵa járdemdesý jónіndegі sharalarmen qamtamasyz etý;
- memlekettіk turǵyn úı qorynan baspana alýǵa ótіnіsh berý múmkіndіgі.
Budan basqa, 2023 jylǵy naýryzdan bastap turǵyn úı satyp alý, salý úshіn nemese ıpotekalyq turǵyn úı qaryzdary boıynsha bastapqy jarnanyń bіr bólіgіn jabý úshіn bіrjolǵy óteýsіz jáne qaıtarymsyz negіzde turǵyn úı qunynyń 50%-y nemese bіr otbasyna 4 mln teńgege deıіn mólsherіnde ekonomıkalyq utqyrlyq sertıfıkaty engіzіldі.