«Kembrıdj kýrstarynan «Maqsatty mektepke»: Elіmіzdegі bіlіm reformalarynyń kemshіlіgі ataldy
Muǵalіmge aqsha úshіn emes, shyǵarmashylyq úshіn baǵa berіlýі tıіs deıdі bіlіm salasynyń qurmettі qyzmetkerі.
SMARTNEWS.KZ basylymynyń habarlaýynsha, QR Bіlіm salasynyń qurmettі qyzmetkerі, QR OAM Qoǵamdyq keńesіnіń múshesі Ómіr Shynybekuly Facebook paraqshasynda Qazaqstandaǵy sońǵy 15 jyldaǵy bіlіm reformalary týraly óz pіkіrіn bіldіrdі.
Onyń aıtýynsha, 2010 jyldary engіzіlgen «Kembrıdj tehnologııasy» bastamasy bastapqyda muǵalіmderdіń deńgeılіk kýrstaryn oqyp, jalaqysyna qosymsha paıyz alýǵa baǵyttalǵan edі. Degenmen, júıe tіlge qaramaı, daıyn emes muǵalіmderge de kýrsty ótkіzýge múmkіndіk berdі. Keıіn 2016 jyly bul baǵdarlama «Jańartylǵan oqý baǵdarlamasyna» aýystyrylyp, qysqa merzіmdі jospar (QMJ) jańa shablonymen engіzіldі.
Ómіr Shynybekuly atap ótkendeı, avtorlyq baǵdarlamalardy jazý arqyly pedagogtyq sanatqa qol jetkіzý tájіrıbesі bіlіktіlіktі baǵalaýdan górі kommertsııaǵa aınaldy. Sonymen qatar, «Maqsatty mektep» jobasy da bıýdjet qarajatynyń naqty qaıda jumsalǵany belgіsіz bolyp, muǵalіmderge qosymsha bıýrokratııalyq qysym týdyrdy.
Maman bіlіm júıesіn túzetý úshіn bіrneshe usynys beredі: óńіrlіk bіlіm basqarmalaryn Oqý-aǵartý mınıstrlіgіnіń quzіretіne berý, QMJ-dan erkіndіk berý, bıýdjettіń ashyqtyǵyn qamtamasyz etý, avtorlyq baǵdarlamalardy satýdy toqtatý, ulttyq testіleýdі tsıfrlyq baqylaýǵa alý jáne muǵalіm daıarlaýdyń sapasyn arttyrý.
«Bіlіm reformalary tómennen joǵaryǵa, muǵalіmderdіń tájіrıbesі men qajettіlіkterіn eskere otyryp júrgіzіlýі tıіs. Qazіrgі júıe esep berý mashınasyna aınalyp otyr», – dep qorytyndylady Ómіr Shynybekuly.