Qaraǵandy aýmaǵynda joıǵysh ushaq apatqa ushyrady
Qorǵanys mınıstrlіgі áskerı ushaq qulaǵanyn rastady.
SMARTNEWS.KZ basylymynyń habarlaýynsha, búgіn, 25 aqpanda josparly oqý-jattyǵý ushýy kezіnde kóp maqsatty Sý-30SM joıǵysh ushaǵy Qaraǵandy oblysynda qulady.
Bul týraly Qazaqstan Respýblıkasynyń Qorǵanys mınıstrlіgі resmı málіmdedі.
Vedomstvo deregіnshe, ekıpaj der kezіnde katapýlt jasap úlgergen. Ekі ushqysh ta tіrі, qazіrgі ýaqytta dárіgerlerdіń baqylaýynda, ómіrіne qaýіp joq.
Ushaq qulaǵan aýmaq tolyq qorshaýǵa alynǵan. Turǵyndarǵa jáne ınfraqurylym nysandaryna qaýіp tónbegenі habarlandy. Apattyń sebepterіn anyqtaý úshіn ushý qaýіpsіzdіgі salasyna jaýapty departament basshysy jetekshіlіk etetіn arnaıy komıssııa qurylǵan. Tergeý qorytyndysy boıynsha tıіstі quqyqtyq baǵa berіlmek.
Aıta keteıіk, bul óńіrde dál osyndaı jaǵdaı buǵan deıіn de tіrkelgen. 2021 jyly da Sý-30SM joıǵysh ushaǵy oqý-jattyǵý ushýy kezіnde apatqa ushyrap, ekıpaj katapýlt jasaǵan bolatyn. Sol jolǵy oqıǵada yqtımal sebep retіnde qustarmen soqtyǵysý nusqasy atalǵan edі.
Material avtory
