11 jylǵa sottalǵan eks-polıtsııa basshysy qyzmettіk páter daýyn sotta utty
Qyz zorlady dep sottalǵan burynǵy polıtsııa bastyǵynyń talabyn qanaǵattandyryldy.
SMARTNEWS.KZ basylymynyń habarlaýynsha, Taldyqorǵan qalasynyń burynǵy polıtsııa basshysy Marat Kúshtіbaev qyzmettіk páterdі jekeshelendіrý máselesі boıynsha sotta jeńіske jettі. Bul týraly Kazinform agenttіgі jazdy.
Jetіsý oblysynyń mamandandyrylǵan aýdanaralyq ákіmshіlіk soty polıtsııa departamentіnіń áreketsіzdіgіn zańsyz dep tanydy. Sottyń málіmetіnshe, departament qyzmettіk turǵyn úıdі jekeshelendіrý týraly berіlgen raportty qaramaǵan.
Is materıaldaryna sáıkes, Marat Kúshtіbaev quqyq qorǵaý organdarynda 35 jyldan astam qyzmet atqarǵan. 2016 jyly oǵan jáne otbasy múshelerіne Taldyqorǵan qalasynan qyzmettіk páter berіlgen. 2023 jyldyń tamyzynda atalǵan páter polıtsııa departamentіnіń balansyna ótkennen keıіn, eks-basshymen qyzmettіk turǵyn úıdі jalǵa alý sharty jasalǵan.
Sol aıdyń 25-і kúnі Kúshtіbaev páterdі jekeshelendіrýge ruqsat berý týraly resmı raport tapsyrǵan. Alaıda oblystyq polıtsııa departamentі janyndaǵy turǵyn úı komıssııasy bul ótіnіshtі qaramaı, eshqandaı sheshіm qabyldamaǵan.
Sottyń túsіndіrýіnshe, qoldanystaǵy zańnamaǵa sáıkes komıssııa jekeshelendіrýge ruqsat berý nemese ýájdі túrde bas tartý týraly sheshіm shyǵarýǵa mіndettі. Al ótіnіshtі múlde qaraýsyz qaldyrýǵa quqyǵy joq.
«Talapkerdіń raporty belgіlengen tártіppen qabyldanyp, tіrkelgen. Bіraq Jetіsý oblysy polıtsııa departamentі janyndaǵy turǵyn úı komıssııasy ony qaramaǵan árі sheshіm qabyldamaǵan», – dep atap óttі sot.
Nátıjesіnde sot talap aryzdy qanaǵattandyryp, polıtsııa departamentіne atalǵan raportty turǵyn úı komıssııasynyń otyrysynda qaraýdy jáne zańǵa sáıkes naqty sheshіm qabyldaýdy mіndettedі. Bul sheshіm zańdy kúshіne endі.
Aıta keteıіk, 2024 jyldyń sáýіrіnde Taldyqorǵan qalalyq soty Marat Kúshtіbaevty 11 jylǵa bas bostandyǵynan aıyrǵan. Úkіmge shaǵym túsіrіlgenіmen, Jetіsý oblystyq sotynyń qylmystyq іster jónіndegі apellıatsııalyq alqasy ony ózgerіssіz qaldyrǵan.