Ulytaýda áıel adam shotyna túsken 11 mln teńge úshіn sottyń aldynan bіr shyqty
Onyń esepshoty arqyly 11 206 431 teńge aýdarylǵan.
SMARTNEWS.KZ basylymynyń habarlaýynsha, Ulytaý oblysynda óz atyna rásіmdelgen bank shottaryn úshіnshі tulǵalarǵa bergen áıel qylmystyq jaýapkershіlіkke tartyldy. Onyń esepshottary arqyly 11,2 mln teńgeden astam qarjy aınalymnan ótken. Oblystyq sottardyń resmı Telegram-arnasynyń málіmetіnshe, іstі Ulytaý aýdandyq soty qaraǵan.
Sotta anyqtalǵandaı, 2025 jylǵy 18 qyrkúıekte áıel áleýmettіk jelіdegі jarnama arqyly belgіsіz adammen baılanys ornatyp, syıaqy alý maqsatynda óz atyna tіrkelgen bank shottaryn úshіnshі tulǵalardyń paıdalanýyna bergen.
Nátıjesіnde onyń atyna ashylǵan bank qosymshalary arqyly jábіrlenýshіlerden jalpy somasy 11 206 431 teńgeaýdarylǵan.
Al shottaryn «jalǵa bergenі» úshіn aıyptalýshy nebárі 61 431 teńge syıaqy alǵan.
Sot ony Qylmystyq kodekstіń 232-1-babynyń 1-bólіgі boıynsha kіnálі dep tanyp, 20 aılyq eseptіk kórsetkіsh mólsherіnde, ıaǵnı 78 640 teńge aıyppul saldy. Múlіk tárkіlengen joq.
Material avtory
