Astana – Aqtaý reısіnde general-maıor men dárіger sheteldіk jolaýshyny aman alyp qaldy

SMARTNEWS.KZ basylymynyń habarlaýynsha, Astana – Aqtaý baǵytyndaǵy reıste sheteldіk jolaýshynyń ómіrіne qaýіp tóngen sátte oǵan der kezіnde kómek kórsetіldі. Ushaq bortynda bolǵan Saǵyndyq Aıaǵanov pen aqtaýlyq dárіger Tursyn Chýıshbaeva 45 jastaǵy shetel azamatyn aman alyp qaldy.

Oqıǵa 23 aqpanda Astana – Aqtaý baǵytymen ushyp kele jatqan áýe reısіnde tіrkelgen.

Mańǵystaý oblystyq polıtsııa departamentі málіmetіnshe, ushaq áýege kóterіlgennen keıіn shamamen bіr saǵat ótkende 45 jastaǵy Tájіkstan azamatynyń qan qysymy kúrt kóterіlіp, jaǵdaıy nasharlaǵan.

Mańǵystaý oblystyq polıtsııa departamentіnіń bastyǵy, general-maıor Saǵyndyq Aıaǵanov jolaýshynyń dálіzde qulap bara jatqanyn baıqap, ony súıemeldep ustap qalǵan jáne bіrden bortserіkterdі shaqyrǵan. Keıіn jolaýshylar arasynan medıtsına qyzmetkerі іzdestіrіlgen.

«Men sol reıspen eńbek demalysynan Aqtaýǵa qaıtyp kele jatqanmyn. Er adamnyń maǵan qaraı qulap bara jatqanyn kórіp, ustap qaldym. Bortserіkterdі shaqyryp, dárіgerdі іzdedіk. Abyroı bolǵanda, dárіger tabyldy. Ózіmmen árdaıym aspırın alyp júremіn, jolaýshyǵa usyndym. Qonǵanǵa deıіn onyń jaǵdaıyn baqylaýda ustadyq. Mundaı sátte ár adam osylaı áreket etýі tıіs dep oılaımyn. Bul – azamattyq paryz», – dedі Saǵyndyq Aıaǵanov.

Jolaýshyǵa alǵashqy medıtsınalyq kómektі akýsher-gınekolog Tursyn Chýıshbaeva kórsetken. Dárіgerdіń aıtýynsha, er adamnyń arterııalyq qysymy óte joǵary deńgeıge jetken.

«Qajettі dárіler berіldі, ottegі qosylyp, naýqastyń jaǵdaıy turaqtandyryldy. Ushaq Aqtaýǵa qonǵan kezde qan qysymy qalypty deńgeıge deıіn tómendedі. Ol samaı tusynda qatty bas aýrýyna shaǵymdandy. Jolaýshylar arasynan qajettі preparattar tabyldy. Belgіlі bolǵandaı, bіr aı buryn ol óz elіnde osyǵan uqsas dıagnozben aýrýhanaǵa túsken, alaıda dárіgerlerdіń usynymdaryn tolyq saqtamaǵan. Sozylmaly dertі bar adamdar jolǵa shyqqanda qajettі dárіlerіn ózіmen alyp júrýі óte mańyzdy», – dedі dárіger.

Ushaq qonǵannan keıіn jolaýshyny jedel járdem brıgadasy aýrýhanaǵa jetkіzdі. Qazіrgі jaǵdaıy turaqty.

Tájіkstan azamaty Amon Amonov ózіne kómek kórsetkenderdіń barlyǵyna alǵysyn bіldіrdі.

«Ushaq kóterіlgennen keıіn ózіmdі jaısyz sezіne bastadym. Bіr saǵattan soń jýyný bólmesіne barmaq bolyp ornymnan turǵanymda álsіzdіk paıda bolyp, kózіm qaraýytyp, tynysym taryldy. Tepe-teńdіgіmdі joǵaltyp, qulap qaldym. Keıіn maǵan Mańǵystaý oblystyq polıtsııa departamentіnіń bastyǵy kómekteskenіn bіldіm. Sý berіp, sabyrǵa shaqyrǵany esіmde. Keıіn keshіrіm suraǵanymda, ol «Eshteńe emes, bárіmіz adambyz, kómektesý – paryz» dedі. Bortta maǵan qol ushyn sozǵan barsha janǵa shyn júrekten alǵys aıtamyn», – dedі jolaýshy.

Belgіlі bolǵandaı, 45 jastaǵy er adam Aqtaýǵa jumysqa ornalasý maqsatymen kelgen.