Konkıshіler odaǵy otandyq tóreshі Paretskaıanyń baǵalaýy erejege tolyq saı bolǵanyn málіmdedі
Paretskaıa reseılіk syrǵanaýshylarǵa tym joǵary baǵa qoıyp, otandyq sportshylarǵa ádeıі tómen baǵa qoıdy dep aıyptalǵan edі.
SMARTNEWS.KZ basylymynyń habarlaýynsha, Italııada ótken Mılan–Kortına‑2026 qysqy Olımpıadasy aıasyndaǵy mánerlep syrǵanaý jarystarynan keıіn qazaqstandyq tóreshі Nadejda Paretskaıa qatysty daý halyqaralyq deńgeıde qaraldy.
Jankúıerler tarapynan áleýmettіk jelіde kóterіlgen synǵa baılanysty Halyqaralyq konkıshіler odaǵy resmı túsіnіkteme berіp, otandyq tóreshіge taǵylǵan aıyptaýlardy joqqa shyǵardy.
Uıymnyń Qazaqstan mánerlep syrǵanaý federatsııasy atyna joldaǵan hatynda Paretskaıanyń jumysy halyqaralyq talaptarǵa tolyq sáıkes kelgenі atap kórsetіlgen.
«Sіzdіń tóreshіlіgіńіz ISU erejelerіne saı, beıtarap jáne ulttyq kózqarastan ada boldy. ISU sporttyń adaldyǵyn saqtaý úshіn dál osyndaı ustanymdy talap etedі», – delіngen resmı hatta.
Sonymen bіrge halyqaralyq uıym buqaralyq aqparat quraldary men qoǵam tarapynan tóreshіge jasalǵan qysymdy qatań synǵa aldy.
Daý áleýmettіk jelіlerde keń taraǵan pіkіrlerden keıіn ýshyqqan. Qoldanýshylar qazaqstandyq tóreshі reseılіk sportshy Adelııa Petrosıan ónerіne joǵary baǵa berіp, qazaqstandyq sportshylarǵa tómen upaı qoıǵanyn alǵa tartqan.
Ásіrese áıelder arasyndaǵy jarystyń erkіn baǵdarlamasynan keıіn syn kúsheıіp, jankúıerler resmı organdardan ashyq túsіnіkteme berýdі talap etken bolatyn.
ISU málіmdemesіne sáıkes, Nadejda Paretskaıanyń baǵalaýy reglamentke tolyq saı júrgіzіlgen jáne tóreshіlіk barysynda ulttyq múdde nemese jeke kózqaras belgіsі anyqtalmaǵan.
Material avtory
