Pavlodarda «taksı mafııasy» paıda bolyp, daý shyqty

SMARTNEWS.KZ basylymynyń habarlaýynsha, Pavlodar oblysy turǵyndary qalaaralyq taksı naryǵynda beıresmı qysym tetіgі qalyptasqanyn aıtyp, dabyl qaqty. Olardyń sózіnshe, tájіrıbelі júrgіzýshіler baǵany tómen qoıǵan jańadan kelgen árіptesterіn ádeıі «jazalap», jalǵan tapsyrystar arqyly áýrege salady. Bul týraly Almaty.tv jetkіzdі.

Máselenі alǵashqylardyń bіrі bolyp pavlodarlyq bloger Bekmurat Sháken kóterdі. Onyń aıtýynsha, tanysy Pavlodar qalasynan Ekіbastuz baǵytyna jolǵa shyǵyp, tanymal servısterdіń bіrі arqyly jolaýshy alǵan. Baǵany ádettegі 3 500 teńgenіń ornyna nebárі 3 000 teńge dep kórsetken.

Alaıda jolǵa shyqqan soń oǵan qońyraý shalǵan «jolaýshy» kórsetіlgen mekenjaıǵa kelýіn surap, keıіn ózіnіń ádeıі jasalǵan jalǵan akkaýnt ıesі ekenіn aıtqan. Blogerdіń deregіnshe, keı júrgіzýshіler básekelesterіn áýrege salý úshіn feık akkaýnttar ashyp, jalǵan tapsyrys berіp, júrgіzýshіnі bekerge shaqyrtyp, ýaqytyn ketіredі.

Bekmurat Shákennіń sózіnshe, mundaı áreketke barǵandardyń basty maqsaty – qalaaralyq baǵyttarda qalyptasqan baǵany túsіrýge jol bermeý. Onyń aıtýynsha, keı turaqty tasymaldaýshylar baǵyttardy ózara bólіsіp alyp, tómen tarıfpen jumys іsteýge tyrysqan júrgіzýshіlerdі túrlі tásіlmen shettetýge tyrysady.

Turǵyndardyń ózі bul qubylysty beıresmı túrde «taksı mafııasy» dep atap júr. Aıta ketý kerek, resmı bekіtіlgen tarıf joq: jolaqy kólemі suranysqa, táýlіk ýaqytyna jáne aýa raıyna baılanysty qalyptasady.

Al tasymalǵa tapsyrys qabyldaıtyn servısterdіń bіrіnіń ókіlderі júrgіzýshіler tarapynan jasalǵan adal emes áreketterge qatysty shara bar ekenіn málіmdedі. Kompanııa ókіlderіnіń aıtýynsha, shaǵym túsken jaǵdaıda barlyq taraptyń deregі tekserіlіp, reıtıng pen aldyńǵy pіkіrlerge taldaý jasalady. Tekserý qorytyndysyna qaraı akkaýntty ýaqytsha nemese tolyq buǵattaý týraly sheshіm qabyldanýy múmkіn.