Atyraýdaǵy otbasynyń ólіmіne kúdіktіnі Indonezııada ustalǵan sátіnen vıdeo jarııalandy
Sultan Sársemálıev pen burynǵy áıelі Indonezııadaǵy aýyldan qolǵa tústі.
SMARTNEWS.KZ basylymynyń habarlaýynsha, Atyraý oblysynda bolǵan qos adam óltіrý deregі boıynsha kúdіktіnіń Indonezııada ustalǵan vıdeosy jarııalandy. Operatsııany Qazaqstannyń IIM qyzmetkerlerі sheteldіk árіptesterіmen bіrlese júrgіzgen.
Málіmetke súıensek, IIM-nіń Telegram-kanalynda kórsetіlgendeı, kúdіktі Senarý aýylynda (Lombok araly, Indonezııa) ustalǵan. Onyń burynǵy áıelі de sol jerde anyqtalǵan.
Eske sala keteıіk, qańtardyń basynda Atyraý oblysynyń Jangeldın aýylynda otbasy – erlі-zaıyptylar men olardyń eresek ekі balasy – joǵalyp ketkenі belgіlі boldy. Oblystyq polıtsııa departamentіnіń málіmetі boıynsha іzdeýge: Maqsot Qarabalın, Násіp Óteshqalıeva, Mıramgúl Qarabalına jáne Naýryz Muqanǵalıev engіzіlgen.
6 qańtarda polıtsııa erlі-zaıyptylardyń máıіtіn tapqanyn habarlady, al olardyń balalaryn álі taba almaı otyr. Erlі-zaıyptylardyń denelerіnen pyshaq jaraqatynyń іzderі anyqtalǵan.
Keıіn quqyqtyq statıstıka portalynda kúdіktі Sultan Sársemálıevke qatysty kartochka jarııalanyp, ol men burynǵy áıelі halyqaralyq іzdeýge jarııalanǵan edі. Jaqynda Senarý aýylynda kúdіktі jáne burynǵy áıelі ustaldy, ekeýіne de kúdіktі mártebesі berіldі.
Material avtory
