RUS
«Qazіr mıkroqarjy uıymdary ekіnshі deńgeılі bankter retіnde qurylýy múmkіn. Bіzde ekіnshі deńgeılі bank retіnde qurylýǵa talpynyp otyrǵan ekі іrі mıkroqarjy uıymy bar, olar - KMF jáne Solva mıkroqarjy uıymdary. Olardyń qomaqty somadaǵy portfelі bar. Kapıtaldarynyń jetkіlіktі deńgeıі qazіrdіń ózіnde bank retіnde tіrkelýge múmkіndіk berіp otyr», - dedі Mádına Ábіlqasymova Májіlіste tіlshіler suraǵyna jaýap bere otyryp.
Onyń aıtýynsha, byltyr tıіstі konvertatsııa jasaýǵa múmkіndіk beretіn tıіstі zańnamalyq túzetýler qabyldanǵan.
«Ótіnіsh berіp, bank lıtsenzııasyn alýǵa bolady. Jańa bankterdіń paıda bolýyna qatysty toqtalsaq, bіz jańa bankterdі ashý talaptaryn jeńіldetý maqsatynda bank júıesі týraly zańnamaǵa túzetýler ázіrlep jatyrmyz. Osy túzetýler qabyldanǵannan keıіn, Qazaqstanda bank ashýǵa talpynǵandar kóbeıedі dep sanaımyz», - dedі M. Ábіlqasymova.