Atyshýly Qyzylqoǵa aýdanynda 82 jastaǵy enesіn óltіrgen kelіn qylmystyq jaýapkershіlіkten bosatyldy
Sot aıyptalýshyny esі durys emes dep tanydy.
SMARTNEWS.KZ basylymynyń habarlaýynsha, Atyraý oblysynda enesіn óltіrý іsі boıynsha sot úkіmі shyqty. Aıyptalýshy áıeldіń kіnásі dáleldengenіmen, ol qylmystyq jaýapkershіlіkten bosatyldy.
Resmı málіmetke sáıkes, іstі Atyraý oblysynyń sottary jarııalaǵan. Qylmystyq іs óńіrdegі mamandandyrylǵan aýdanaralyq qylmystyq sotta qaralǵan.
Sot materıaldaryna saı, 2025 jylǵy mamyr aıynda er adam tósekke tańylǵan, 1942 jyly týǵan anasyn kútіm jasaý úshіn aýylǵa kóshіrіp ákelgen. Bul sheshіmge kelіnі qarsy bolyp, otbasynda janjal týyndaǵan.
Araǵa bіrneshe kún salyp, kúıeýі úıde bolmaǵan ýaqytta áıel dármensіz kúıdegі enesіne pyshaqpen bіrneshe ret jaraqat salǵan. Jábіrlenýshі aýrýhanada kóz jumǵan.
Keshendі sot-psıhıatrııalyq saraptama aıyptalýshynyń sozylmaly psıhıkalyq aýrýmen aýyratynyn anyqtaǵan. Osyǵan baılanysty ol sot protsesіne de qatysa almaǵan.
Sot áıeldіń áreketі Qylmystyq kodekstіń «Adam óltіrý» baby boıynsha saralanatynyn, alaıda qylmysty esі durys emes kúıde jasaǵanyn moıyndady. Osy negіzde ol qylmystyq jaýaptylyqtan bosatyldy.
Sot qaýlysymen áıelge qatań baqylaýy bar mamandandyrylǵan psıhıatrııalyq statsıonarda májbúrlі em taǵaıyndaldy.
Material avtory
