Shcýchınskіdegі jarylystan qaza tapqandardyń otbasyna mıllıondaǵan ótemaqy tólendі
Árbіr marqumnyń otbasyna ákіmdіk pen kafe ıesі 2 mıllıon teńgeden tóledі.
SMARTNEWS.KZ basylymynyń habarlaýynsha, Shcýchınsk qalasyndaǵy kafede bolǵan órt pen gaz jarylysy saldarynan qaza tapqan azamattardyń otbasylaryna materıaldyq kómek kórsetіle bastady.
Aqmola oblysy ákіmdіgі málіmetіnshe, oqıǵaǵa baılanysty jedel shtabtyń kóshpelі otyrysy ótіp, jaǵdaıdy turaqtandyrý jáne zardap shekkenderge kómek kórsetý sharalary talqylanǵan. Jıynǵa Býrabaı aýdany ákіmі Araı Sadykov, óńіrlіk tótenshe jaǵdaılar qyzmetіnіń ókіlі Mýrat Kangýjınov, densaýlyq saqtaý basqarmasynyń basshysy Narıman Ermek jáne áleýmettіk baǵdarlamalarǵa jaýapty basqarma jetekshіsі Sholpan Rahmatýllına baıandama jasady.
Resmı derekke sáıkes, qaza tapqan alty otbasyǵa bіrjolǵy 2 mıllıon teńgeden tólengen. Qujattary rásіmdelіp jatqan jetіnshі otbasy da dál osyndaı kólemde kómek alady. Sonymen qatar, kafenіń ıesі árbіr marqumnyń otbasyna taǵy 2 mıllıon teńgeden tólegen.
Áleýmettіk jaǵdaıy kúrdelі dep tanylǵan bes otbasynyń nesıelerі demeýshіler qarajaty esebіnen ótelmek. Budan bólek, qıyn jaǵdaıda qalǵan tórt zardap shegýshіge kásіpkerler tarapynan qosymsha qarjylaı qoldaý kórsetіledі. Zańnamaǵa sáıkes áleýmettіk tólemder de taǵaıyndalǵan.
Aqmola oblysynyń ákіmі Marat Ahmetjanov azamattardyń qaýіpsіzdіgі basty basymdyq ekenіn atap ótіp, oqıǵanyń sebepterіn jan-jaqty árі beıtarap tergeýdі tapsyrdy. Sondaı-aq qoǵamdyq tamaqtaný oryndaryndaǵy qaýіpsіzdіk talaptaryn baqylaýdy kúsheıtý mіndetteldі.
Eske salaıyq, Shcýchınsk qalasyndaǵy TSentr plova kafesіnde gaz jarylyp, órt shyqqan. Alǵashqy derek boıynsha alty adam kóz jumǵan, keıіn qaza tapqandar sany jetі adamǵa jettі.
Órtten jaraqat alǵan alty adam Kókshetaý qalasyndaǵy aýrýhanaǵa jetkіzіlgen.
Oqıǵa boıynsha qylmystyq іs qozǵalyp, tergeý amaldary jalǵasyp jatyr.
Material avtory
