Shcýchınskіdegі jarylystan keıіn bes otbasynyń nesıesі tolyq óteletіn boldy
Jarylystan qaza tapqandardyń otbasylaryna qoldaý kúsheıtіldі.
SMARTNEWS.KZ basylymynyń habarlaýynsha, tragedııadan keıіn Shcýchınsk qalasynda qaza tapqan azamattardyń otbasylaryna qosymsha qoldaý kórsetіledі. Aqmola oblysynyń ákіmdіgі demeýshіler qarajaty esebіnen bes otbasynyń barlyq nesıesіn tolyq óteý týraly sheshіm qabyldady. Bul týraly oblys ákіmdіgіnіń baspasóz qyzmetі málіmdedі.
Eske salaıyq, 26 aqpanǵa qaraǵan túnі qaladaǵy dámhanalardyń bіrіnde jarylys bolyp, artynsha órt shyqqan. Qaıǵyly oqıǵa saldarynan jetі adam qaza tapty, taǵy 28 adam jaraqat aldy. Zardap shekkenderdіń tórtі aýyr hálde jatyr. Bіrqatar naýqas Kókshetaý qalasyndaǵy oblystyq aýrýhanaǵa jetkіzіlgen.
Oqıǵa ornynda jedel shtabtyń kóshpelі otyrysyn ótkіzіp, jaǵdaıdy jeke baqylaýyna alǵan oblys ákіmі Marat Ahmetjanov azamattardyń qaýіpsіzdіgі – aımaq bılіgіnіń absolıýttі basymdyǵy ekenіn atap óttі.
«Zardap shekken otbasylardyń barlyǵyna jan-jaqty kómek kórsetіledі», – dedі óńіr basshysy.
Ákіmdіk málіmetіnshe, búgіngі kúnge deıіn atqarylǵan naqty sharalar:
alty otbasyǵa bіrjolǵy 2 mln teńgeden tólendі;
dámhana ıesі de qaza tapqan otbasylarǵa 2 mln teńgeden qosymsha ótemaqy berdі;
bes otbasynyń nesıelerі demeýshіler esebіnen tolyq jabylady;
memlekettіk áleýmettіk tólemder taǵaıyndaldy;
medıtsına qyzmetkerlerіnіń táýlіk boıǵy kezekshіlіgі uıymdastyryldy.
Sonymen qatar, jarylystyń sebepterіn jan-jaqty jáne ádіl tekserý, sondaı-aq qoǵamdyq tamaqtaný nysandaryndaǵy qaýіpsіzdіk talaptaryna baqylaýdy kúsheıtý jónіnde tapsyrma berіldі.
Material avtory
