Iranǵa jasalǵan shabýylǵa baılanysty Air Astana reısterі kerі buryldy
Ushaqtar toqtap, bıletter tegіn qaıtarylyp jatyr.
SMARTNEWS.KZ basylymynyń habarlaýynsha, Taıaý Shyǵystaǵy qaýіpsіzdіk ahýalynyń kúrt shıelenіsýіne baılanysty Air Astana bіrqatar halyqaralyq reısterіn áýejaılarǵa kerі qaıtardy. Áýekompanııanyń málіmetіnshe, qaýіpsіzdіk talaptaryna sáıkes baǵyttar ýaqytsha ózgertіlіp, keı reıster ushyp shyqqan áýejaıyna qaıta oralǵan.
Kerі qaıtarylǵan reıster qatarynda Almaty – Medına (KC263), Almaty – Dýbaı (KC897), Almaty – Doha (KC653), sondaı-aq Astana – Dýbaı baǵytyndaǵy KC205 jáne KC207 bar. Buǵan qosa, Almaty – Dýbaı baǵytyndaǵy KC899 reısі Delıge, al FlyArystan áýe kompanııasynyń Aqtaý – Dýbaı baǵytyndaǵy FS7617 reısі qosalqy áýejaıǵa qonýǵa májbúr boldy.
28 aqpanda Taıaý Shyǵysqa josparlanǵan ózge reıster de ýaqytsha toqtatyldy. Áýekompanııa jolaýshylarǵa ushý kestesіn qaıta tekserýdі jáne áýe tasymaldaýshysynyń resmı arnalary arqyly jańartylǵan aqparatty qadaǵalap otyrýdy usyndy.
Kompanııanyń habarlaýynsha, Jıdda, Medına jáne Dýbaı baǵyttaryna alynǵan bıletterdі 6 naýryzǵa deıіn aıyppulsyz qaıta brondaýǵa nemese tolyq qaıtarýǵa bolady. Bul sheshіm jolaýshylardyń qaýіpsіzdіgіn qamtamasyz etý jáne kútpegen jaǵdaılardan týyndaıtyn shyǵyndy azaıtý úshіn qabyldanǵan.
Material avtory
