Astanada nebárі bes kúnde 440-tan asa sheteldіk jaýapqa tartylǵan (VIDEO)
Sot sheshіmіmen 67 adam elden shyǵarylyp, 13 adam kúshtep deportatsııalandy.
SMARTNEWS.KZ basylymynyń habarlaýynsha, Astanada kóshі-qon zańnamasyn buzǵan sheteldіkterge qatysty jappaı tekserіs júrgіzіlіp, nebárі bes kúnnіń іshіnde júzdegen zańbuzýshylyq anyqtaldy.
Polıtsııa málіmetіnshe, 23–27 aqpan aralyǵynda Astana qalasynda «Mıgrant» jedel-profılaktıkalyq іs-sharasy óttі. Bul týraly Astana qalasynyń polıtsııa departamentі baspasóz qyzmetі jazdy.
Is-sharanyń basty maqsaty – kóshі-qon zańnamasynyń saqtalýyn baqylaý, zańsyz kóshі-qon arnalaryn anyqtaý jáne jolyn kesý.
Reıdterge kóshі-qon qyzmetіnіń, krımınaldyq jáne patrýldіk polıtsııanyń, ýchaskelіk ınspektorlardyń, arnaıy bólіmshelerdіń qyzmetkerlerі jumyldyryldy.
Tekserý jumystary páterlerde, qonaq úıler men jataqhanalarda, qurylys alańdarynda, bazarlarda, demalys oryndarynda, vokzal mańynda jáne óndіrіstіk aımaqtarda júrgіzіlgen.
Nátıjesіnde nebárі bes kúnde kóshі-qon zańnamasyn buzýdyń 555 deregі tіrkeldі.
Atap aıtqanda:
442 shetel azamaty ákіmshіlіk jaýapkershіlіkke tartyldy;
78 Qazaqstan azamaty sheteldіkterdі zań talaptaryn buza otyryp qabyldaǵany úshіn jaýapqa tartyldy;
35 jumys berýshіge qatysty ákіmshіlіk shara qoldanyldy.
Sonymen qatar, Astana qalasynyń ákіmshіlіk quqyq buzýshylyqtar jónіndegі mamandandyrylǵan aýdanaralyq soty sheshіmіmen:
67 sheteldіk el aýmaǵynan shyǵaryldy;
buǵan deıіn shyǵarylýy tıіs bolyp, sot sheshіmіn oryndamaǵan 13 adam májbúrlі túrde deportatsııalandy.
Quqyq qorǵaý organdary kóshі-qon talaptaryn buzýǵa jol bergen tulǵalarǵa qatysty tekserіs jalǵasatynyn málіmdedі.
Material avtory
